శివోహం

శంభో...

మనసులో ఎన్నో ఆశలు పుట్టిస్తావు...

కోర్కెల వెంట పరుగులు తీయిస్తావు...

బంధాలలో బంధిని చేసి మము ఇరికిస్తావు...

నీవు ఆడే ఆటలో బొమ్మలను చేసి...

నీకు తోచినట్టు మలచుకుంటావు...

చిత్రమయ్యా నీ లీలలు అంతుపట్టదు...

శంభో నువ్వు ఆడే ఆటలు నేను అడలేను...

జీవితం లో మళ్ళీ మళ్ళీ నేను ఒడిపోలేను...

నా దారి నీ వైపు మళ్లించి నన్ను గెలిపించు

మహాదేవా శంభో శరణు...

శివోహం

మిమ్మల్ని మీరు నిరంతరం సానుకూల స్థితిలో ఉంచుకోండి మరియు మీ మనస్సును దేవుని ఆలోచనలతో నింపండి...

మీరు చీకటి గదిని కాంతివంతం చేయాలనుకున్నప్పుడు మీరు ఎలా చేస్తారో ఆ విధంగా మీ మనస్సుతో వ్యవహరించండి...

మీరు చీకటితో పోరాడకండి...

మీరు చీకటిని వెలుగులోకి తీసుకురండి, అప్పుడు చీకటి తొలగిపోతుంది...

ఓం శివోహం... సర్వం శివమయం

శివోహం

ఈ భోగ భాగ్యాలూ  సుఖసంతోషాలు 

అన్నీ  తాత్కాలిక మైనవే...

భగవంతుని కరుణ దయ ఆశీస్సుల కోసం ప్రతి ఒక్కరూ పంచేద్రియాలను నిగ్రహించుకుని పరమాత్మకై తపించాలి...

ఇతర విషయాలపై మన దృష్టిని కేంద్రీకరిస్తే కాలం వృధా అవుతుందే తప్ప ప్రయోజనం ఉండదు...

ఇతర విషయాలపై  నీ  మనస్సునీ  బుద్దిని కేంద్రీకరించకు...

సదా నన్ను  గుర్తుంచుకో  అప్పుడే  నీ  జ్ఞాన చక్షువులు 

లౌకిక విషయానురక్తిని వీడి శాశ్వాతానంద ముక్తి మార్గం వైపు పయనించి  నిన్ను  పరిశుద్ధణ్ణి చేస్తాయి స్థితప్రజ్ఞుడవు  అవుతావు...

ఓం శ్రీ స్వామియే శరణం అయ్యప్ప...

ఓం శివోహం... సర్వం శివమయం.

శివోహం

శంభో...

నా తపమును మూలాధారం నుండి సహస్రారం చేరటానికి ఇంకా ఎన్ని చక్రాలు దాటాలి శివా.

నా యాతన మూలాధారం నుండి ముందుకు కదలడం లేదు...

ఉపచక్రాలు ఎన్ని ఉన్నాయో శుద్ధి చేసుకునే దారి

చూపి నన్ను నీ దరికి చేర్చుకో పరమేశ్వరుడా...

మహాదేవా శంభో శరణు.

శివోహం

భగవంతుడు బలీయమైన సంకల్పంతో ఈలోకాన్ని నడిపిస్తూ వున్నాడు...

బండ్లను ఓడలు చేయడం, ఓడల్ని బండ్లు చేయడం ఆయనలీల...

ఏదో ప్రాసాదించాడని పరవశించేలోపేబ్మరేదో పట్టిలాగేసుకుంటాడు...

బ్రతుకు ఎడారిలో వైరాగ్య జ్వాలలు రగులుతున్న వేళ ఎక్కడో సుదూరంగా సుఖాల ఎండమావుల్ని చూపిస్తాడు...

మనం ఆశించేది ఒకటైతే, ఆయన శాసించేది మరొకటి...

అయితే, అంతిమంగా భగవంతుని ప్రతిచర్య వెనుకో పరమార్ధం దాగి వుందనీ, ఆయన శిక్షలు వేసేవాడు కాదని, శస్త్రచికిత్సకుడేనని అర్ధమౌతుంది...

ఆయన చేసే గాయాలు తాత్కాలికంగా బాధించినా, శాశ్వతంగా మనల్ని స్వస్థత పరుస్తాయని విదితమవుతోంది.

ఓం శివోహం... సర్వం శివమయం.

స్వామి జ్ఞానదానంద

శివోహం

శంభో...

మురికి కొంపగ పేరు పొందిన దేహం....

నిత్యం నిన్ను పూజించడం...

నిత్యం నీ నామ స్మరణా చేయడంవల్లే వెలిగిపోతోంది తండ్రి...

మహాదేవా శంభో శరణు...

శివోహం

గోపాలా...

నీ చరణ దర్శనం మా ముక్తి మార్గం...

నీ పాద ధూలీ మా నుదిటి విభూతి...

నీ అభయహస్తం...

మాకు ప్రసాదించే అభయయం...

నీ కమల నయనాలు కురిపించే కారుణ్యం...

నీ వేణుగానం తో పరవాసించే సమస్త విశ్వం

నీ నామా స్మరణ తో సర్వపాప హరణం...

జగన్నాథ ఈ మాయ నుండి విడిపించి మొక్ష మార్గం వైపు నడిపించు..

పరంధామ కృష్ణ ముకుందా గోవింద గోపాల శరణు...

హరే క్రిష్ణ.