కోరుచుందురు అందరు సుఖము...
వాస్తవానికి తెలియ దెవరికి సుఖము చిరునామా...
విషయ మందున సుఖము లేదు...
కాల మందున కలసిరాదు...
బయట లేదు లోన రాదు...
నీ స్వరూపమె పరమ సుఖము కదా శివ...
మహదేవా శంభో శరణు.
శంభో ! నీ ధర్మకాటా లో నా పాపపుణ్యాలు కాస్త అటూ ఇటూ అయినా నన్ను వదిలేయకు తండ్రీ... మహాదేవా శంభో శరణు
బాహ్యంలో నా నేను ఊరేగుతూ... అంతరంలో నా నేను కు దూరమై... ఎటూ చేరలేని అవస్థలు, తీరని బాధలు... నన్ను ఓ దరికి చేర్చవా పరమేశ్వరా.. మహాదేవా శంభో...