శివోహం

శివ...

నరము లేనట్టి నాలిక నాకు ఇచ్చి..

నరము తెగిపోవు వేదన కల్పించినావు...

నరము బంధించలేని శివ భక్తిని ఇచ్చి

నరము శివ శివ అని పలుకు కృపను ఇవ్వు...

మహాదేవా శంభో శరణు.

శివోహం

ఈ జగతి మాయ అని నాకు తెలియదయ్యా...

మాయలో బ్రతుకు మాదని తెలియదయ్యా...

మాయ కాదిది బ్రహ్మ మని ఎరుగనైతి...

మాయ ఏదియో హర ఆ మర్మ మేదో చెపుమా తండ్రి...

మహాదేవా శంభో శరణు.

శివోహం

శివా!వెలుగు కన్నై విరిసె విశ్వసాక్షి

చలువ కన్నుగ మెరిసె చంద్రమూర్తి

నిలువునా అజ్ఞానమును కాల్చె నిప్పుకన్ను

మహేశా . . . . . శరణు .

శివోహం

శివ...

నీవు మా ప్రాణికోటికి  దయతో  ఎడతెగకుండా వర్ధిస్తూ అనుగ్రహిస్తూ వస్తున్న నీ కృపా కటాక్షాలు  వర్ణించటానికి  మేము చాలా అల్పులం తండ్రి... అఙ్ఞానులం కడు పాపాత్ములమైన మాకు  నీ ఔదార్యాన్ని ఎన్న బూనడం సాధ్యమా ప్రభూ?...

మా అవివేకాన్ని నిత్యం ప్రదర్శిస్తూ ఉన్న మా  మిథ్యా బ్రతుకుల తీరు నీకు తెలియనిదా...

మహాదేవా శంభో శరణు.

శివోహం

శంభో!!!ఈ మాయామోహ జగత్తులో...

సంసారం అనే సముద్రంలో వివశులై...

దారి తెలియని స్థితిలో ఉన్నవారికి...

అద్భుతమైన,జీవన మాధుర్యంతో బాటు...

మానవజన్మ ఉద్దరణకు కావలసిన  సద్గతిని ,సన్మార్గాన్ని ,సద్భావనతో తరించే భాగ్యాన్ని నువ్వే కలుగజేయాలి...

మహాదేవా శంభో శరణు...

శివోహం

శివా!తోలు ముక్క కట్టి తిరుగాడు నీవు

తోలుతిత్తిని కూడి నన్ను తిరుగ జేసావు

తిరుగలేకున్నాను విరుగుడేదొ తెలియజెప్పు

మహేశా . . . . . శరణు .

శివోహం

పక్వమైన పండు చెట్టునుండి క్రిందబడితే, తిరిగి చెట్టుకు తగిలించి ఏమి ప్రయోజనం ?  అదే విధంగా జ్ఞానం వచ్చేదాకా కర్మలు చేస్తూ, పండుపక్వానికి ( పూర్తిజ్ఞానం ) వచ్చిన తరువాత కర్మలు తొలిగిపోతాయి.  అలాంటి జ్ఞానం కలిగినవారు అన్నింటినీ సమదృష్టితో చూస్తారు.   ప్రేమతో చూస్తారు. నిష్క్రియులై వుంటారు.