శివోహం

ఎందుకో కానీ నిన్నటికి రేపటి కి మధ్య ఈ రోజంతా ఇరుకుగా ఉంటుంది...

ప్రతిరోజు ఇదే తంతు...

మహాదేవా శంభో శరణు...

శివోహం

శివా!పూజ చేసిన ఫలమున సిరల నొసగి

వేష వ్యవహారాల వైరాగ్యము తెలిపి

ముక్తి పదమును మాకు మప్పుమయ్యా

మహేశా . . . . . శరణు .

శివోహం

స్వామీ రామబక్త..

నిజమైన ఆచార్యుడవు అంటే నీవే తండ్రీ...

నాకు జ్ఞాన నేత్రం తెరిపించావు...

నీ కృపకు నోచుకున్న నేను నిజంగా అదృష్టవంతుడను...

హే గురుదేవా

వాయు పుత్రా

అంజనీ తనయా

హే రామ దూతా

వీర హనుమా

అభయ ప్రదాతా శరణు...

శివోహం

నీ గానం విననిదే నా చెవులకు ఆనందం లేదు...

నీ దేవాలయం దర్శించనిదే నాకు కళ్ళకి సంతోషం రాదు...

నీ నామ స్మరణ చేయకుంటే నా మనసుకు ఏమీ తోచదు...

ఎన్నాళ్లని ఈ ఎదురుచూపులు , ఇన్నేళ్లు ఈ ఎడబాటు...

ఈ గుండె మంటలార్పడానికి ఎన్ని కన్నీళ్ళు కార్చాలి నేను

ఇంకా ఎన్నాళ్ళు ఇంకా ఎన్నేళ్ళు ఈ కన్నీళ్లు....

కన్నీళ్ళతో మనసు తడిసి తడిసి ముద్దవుతోంది...

జాలి చూపి నీదరికి చేర్చు...

మహాదేవా శంభో శరణు.

శివోహం

శివ...

నీ దయ కలిగితే జీవులకు అన్నీ సిద్ధిస్తాయి...

దుఃఖాలు తొలగుతాయి...

లౌకిక సుఖములందు విరక్తులౌతారు...

జీవన్ముక్తులై ఆనందాన్ని అనుభవిస్తూ ఉంటారు...

అందుకే నా హృదయమునందు నిర్మలమైన నీ జ్ఞాన పరమానంద రూపము ప్రకాశించేలా అనుగ్రహించు తండ్రి...

దానివల్ల కలిగే ఆనందనుభవంచే అలవికాని నా బాధలను మరిచిపోయి నీ పాదపద్మ ఆరాధనయందు ప్రీతి ని భక్తినీ పొందే అదృష్టాన్ని ఈ జీవుడికి ప్రసాదించు పరమేశ్వరా...

మహాదేవా శంభో శరణు.

శివోహం

శృతి చేసి చూడు నా మదిని పలుకుతుంది నీ నామమే మోహనారాగం లో.

నాట్యమాడు తనివితీరా నా హృదయం లో.

శివ నీ దయ.

శివోహం

శివా!జనన మరణములు సంహరము చేసి

జగతి చక్రము నీవు తిప్పు చున్నావు

ఆ చక్రగతిని నా గతి తప్పించవయ్యా

మహేశా . . . . . శరణు .