శివోహం

స్థూలరూపంతోనూ...

సూక్ష్మ రూపంతోనూ...

మహారౌద్రరూపంతోనూ కనిపించేతల్లీ.. మహాశక్తిస్వరూపిణీ జగజ్జననీ...

మహాపాపాల్ని హరించేదేవీ మహాలక్ష్మీ...

నీకు నమస్కారము.

అమ్మ నీ దయ ఉంటే అన్ని ఉన్నట్టే.

ఓం శ్రీమాత్రే నమః

శివోహం

శివా!మా చూపు తిప్పి

లో చూపు మప్పగా

తెలియ వచ్చారా మీరిలా

మహేశా . . . . . శరణు .

శివోహం

శివా!తోలుతిత్తి రూపానికి పేరొకటుంది

పేరులేని తేజానికి రూపం లేకుంది

నేను నీవైతే నామరూపాల  పనియేముంది

మహేశా . . . . . శరణు .

శివోహం

లోక కళ్యాణం కొరకు నీవు గరళాన్నే మింగావు...

నాపాప క్షయానికి ఈమాత్రం బాధలు పడలేనా ఏంటి...

నాబాధలను నీనామ ప్రవాహం అదుపు చేయదా ఏంటి...

మహాదేవా శంభో శరణు...

శివోహం

శివా!నీ కంటిలోన మంట ఆరదు

నీ గొంతులోని విషము జారదు

నీ కరుణ కురియుట ఆగదు.

మహేశా . . . . . శరణు .

శివోహం

శివ...

జానెడు పొట్ట నింపుకోవడం కోసం

పాట్లుపడుతూ జాలిగా నాలో నిన్ను చూసుకుంటూ ...

నీకు దూరమైపోతున్నానేమోనని‌,

గతాన్ని తవ్వుకుంటూ భవిష్యత్తుని ఊహించుకుంటూ...

మధ్యమధ్య క్షణాలలో 

మహాదేవా, నమఃశివాయ అనుకుంటూ 

ఏదోలా‌ ఉబుసుపోక కాలం వెళ్ళదీస్తూ ఉన్న నన్ను మన్నించు మహాదేవా శంకరా నను మన్నించు.

మహాదేవా శంభో శరణు.

శివోహం

శివ...

నీ చరణ సన్నిధే నా పెన్నిధి గా మార్చు ఈ జన్మకైనా మరే జన్మకైనా నీవే నా తండ్రివై తోడు నీడగా నడిపించి నీచెంతనే నిలిచేలా అనుగ్రహించు

ఆ భారము బాధ్యత నీదే హర.

మహాదేవా శంభో శరణు.