ఎరుక కలిగెను నాకు ఎదను నేడు
తృప్తి నొందితి నేను తెలియగాను
నమఃశివాయ నమః హరాయ
ఒక్కటైయిన జగతిలో ఒక్కడే శివుడు
రెండుగా రూపించు రేడు ఈ శివుడు
మూడు లోకములేలు ముక్కంటి శివుడు
నాలుగు వేదాలు కలగలుపు శివుడు
ఐదు అక్షరముల మంత్రమే శివుడు
ఆరు చక్రాల పైవెలుగు శివుడు
ఏడు ఏడు లోకాల ఏలిక ఈ శివుడు
ఎనిమిది మూర్తుల ఏకమే శివుడు
తొమ్మిది గ్రహాలకు తలకట్టు శివుడు
పది దిక్కులందు ప్రభవించు శివుడు
పది నొకటి రుధ్ర స్వరూపమే శివుడు
పది రెండు లింగాల వెలిగేది శివుడు
శివుడు శివుడు శివుడు
No comments:
Post a Comment