ఓం

చూడు చూడు చిత్రం కెరటాల తీరు విచిత్రం

ఎగిరి ఎగిరి పడుతుంది ఏకంగా కూలుతుంది

కడలి తాను వేరని కెరటానికున్న భావనతో

ఎగిసి ఎగిసి వేగంగా తీరానికి సాగుతుంది

క్షణమైనా నిలువలేక కడలి ఒడిని చేరుతుంది

కానరాని ఆ కెరటం  ఉనికిని కోల్పోతుంది

అనుక్షణం అదేపనిగ  వీడాలని అనుకున్నా

ఆరాటం అనుకున్నా ఆ భావన తప్పని

తనలోని తీసుకుంటు కడలి నచ్చచెబుతుంది

భేద భావమెందుకని ఆభేదాన్ని చాటుతుంది

మూలాన్ని విడిచి మసలేది ఎన్నాళ్ళు 

మూలాన్ని చేరుకొనుటే తిరునాళ్ళు

జీవమున్నదానికి ఇది జీవిత పాఠం

జనన మరణములు తెలిపే గుణపాఠం