శివోహం

వర్షించే కళ్ళల్లో 

నీ రూపం అస్పష్టంగా 

మూగబోయే గొంతులో

నీ నామం గద్గదంగా 

తన్మయత్వమయ్యే తనువులో

నీ తత్వం తార్కికంగా 

నిత్యమూ 

నీ సన్నిధిలో

" ఏమిటీ  నీ మాయ తండ్రీ "

శివోహం  శివోహం

శివోహం

సుఖాల్లోనే కాదు...

కష్టాలలో కూడా...

నేనున్నానంటూ ఆప్యాయంగా...

హత్తుకునే నా కన్నీళ్లు...

కోరికల బరువును తాళలేక...

ఉప్పేనల ఉబికి వస్తుంది...

కన్నీళ్లు కూడా కమ్మగా ఉంటాయని రుచి చూపిస్తుంది...

మహాదేవా శంభో శరణు...

శివోహం

ఆకలి నియమాలను మాయచేసేస్తుంది...

ఆశలు కోరికల కోటలో గూడు కట్టుకొంటున్నాయి...

ఆ కోరికలే నన్ను నీకు దూరం చేస్తున్నాయి

ఒకటే కోరిక నీ చేరిక వరకూ నన్ను నడిపి

నీపాదాల చెంతకు చేర్చుకో

మహాదేవా శంభో శరణు...

శివోహం

కలుషితమైన దేహంలో

వర్షించే నా కన్నీళ్లు నీకేలనయ్యా

స్వచ్ఛమైన

మా తల్లి గంగమ్మ 

నీ చెంత ఉండగా 

నీ భిక్షను స్వీకరించి

అదే భిక్షను ప్రతి భిక్షగా ఒసగే

నా నైవేద్యాలు నీకేలనయ్యా

అమ్మ జగన్మాత 

అన్నపూర్ణేశ్వరీ దేవి

నీ చెంత ఉండగా 

నేను పూసుకుని

రాసుకుని తిరిగే

విభూదులు నీకేలనయ్యా

అఖండమైన భస్మరాశులు

కోకొల్లలుగా 

నీ చెంత ఉండగా 

శివోహం  శివోహం

శివోహం

" నేను "

 

ఎప్పటికీ 

లోపలకు రాలేనని

తెలుసుకున్నావో ఏమో

" నా కోసం "

ఎంతటి కష్టమైనా భరిస్తూ

బయటే నిరీక్షిస్తున్న

ఏకైక దైవానివి నీవే తండ్రీ

శివోహం  శివోహం

శివోహం

శివా! నీ గురించి చాటి చెప్పితి

నా గురించి చెవిలో చెప్పితి

నా మాట చెప్ప నీ బంటు నమ్మితి

మహేశా . . . . . శరణు .

శివోహం

నీపైన అపార నమ్మకం తో ఈ సంసార సాగరం ఈదుతూ, నిత్యం నిన్ను ధ్యానించు కొంటూ...

కర్తవ్య నిర్వహణలో తలమునకలై ఉన్న నన్ను మరచి , ఏమార్చి వెళ్ళవు గదా...

తండ్రి!ఆ స్మశానం లో బంధుమిత్రులు వదిలి వెళ్ళాక, నీ సాంగత్యం నాకు దొరుకుతుందనే ఒకే ఒక ఆశతో కాలాన్ని వెళ్ళదీస్తున్నాను!

మహాదేవా శంభో శరణు....