శివోహం

నీవైపు అడుగులు వేసే దారిచూపి

ఈ బ్రతుకు కట్టలు తెంచు, లేకపోతే

త్రిశంకు స్వర్గమే నా జీవితం బంధాలు

వదలలేను, నిన్ను విడిచి ఉండలేను

 మహాదేవా శంభో శరణు...

ఓం

జ్ఞానం, అజ్ఞానం - రెండింటికీ అతీతుడవు అయిపో. అప్పుడు మాత్రమే భగవంతుని తెలుసుకోగలవు. నానా విషయాలను తెలుసుకోవడం అజ్ఞానం. పాండిత్యం ఉందన్న అహంకారం కూడా అజ్ఞానమే. 'సర్వభూతాలలోనూ ఉన్నది ఒకే భగవంతుడే' అన్న నిశ్చయాత్మక బుద్ధియే జ్ఞానం. భగవంతుని విశేషంగా తెలుసుకొంటే అది విజ్ఞానం.

శివోహం

శివా!మాటలన్ని మూటకట్టి మూలపెట్ట

మనసు కూడా మురిపెంగా వెన్నుతట్టె

మనసు ఎరిగి మౌనాన నిలుపుమయ్యా

మహేశా . . . . . శరణు .

శివోహం

నీతో చెలిమి కుదిరాక...

కొందరు నన్ను చిన్న చూపు చూసారు...

ఇంకా చూస్తూనే ఉన్నారు...

అయినా వారు నాకు ప్రత్యేకం...

ఎందుకంటే

అనుక్షణం వారి పెదవులపై నీ నామ జపం నాకపురూపం తండ్రి...

శివోహం

శివా!ఏకం అనేకం అవడమంటే

పలు అవతారములు దాల్చడమనుకున్నా

ప్రతి రూపంలో ప్రభవించడమా...

మహేశా . . . . . శరణు .

ఓం

ప్రణవమే భగవంతుడి నామధేయం. 

మనలో అంతర్భాగముగా వున్న శబ్దకారణమైన వాయువు నాభి వద్దనుండి అకార రూపముగా బయలుదేరి స్వరపేటికను స్పర్శించి, ఉకారముగా చైతన్యముతో స్వరపేటికనుండి వెలువడి, చివరికి మూయబడిన పెదవుల ద్వారా మకారరూపమున వెలువడుతుంది. అ+ఉ+మ అనగా అకార ఉకార మకార పూర్తిస్వరూపమే 'ఓం'. అదే ఓంకారం.

ఓం అనే శబ్దంతో అంటే నాదంతో స్వరూపముగా వెలువడింది కనుక అది ఓంకార నాదమైంది. ఆ నాదం వినువారలకు ప్రమోదాన్ని కల్గిస్తుంది కనుక అది ప్రణవనాదముగా భాసిల్లింది.

ఈ ఓం స్మరణం ఆధ్యాత్మిక పురోభివృద్ధిలో కలిగే ఆటంకాలన్నిటినీ తొలగించి ఆత్మచైతన్యానికి తోడ్పడుతుంది. 

ఓంకార ధ్యానంవలన మనస్సు ఏకాగ్రత పొంది అంతర్ దృష్టి కలిగి ఆత్మావలోకానశక్తి క్రమక్రమముగా వృద్ధి పొందనారంభిస్తుంది. 

శివోహం

అంతో 

ఇంతో

కొంతో 

నేనూ 

నీ వాడినే 

కాస్త 

కళ్లు తెరిచి కరుణించు తండ్రీ 

శివోహం  శివోహం