శివోహం

తండ్రీ శివప్పా

నీవు 

మొదలెట్టిన

నీ భిక్షతో  మురిసిపోతున్నాను 

నీ  

ప్రసాదాన్ని 

కళ్ళకద్దుకుని మెరిసిపోతున్నాను 

శివోహం  శివోహం

శివోహం

ఎన్ని 

దశలు తొలగినా 

మరెన్ని 

దిశలు తిరిగినా 

నా

దశ మారేనా 

నీ 

దిశ వైపు మరలేనా తండ్రీ

శివోహం  శివోహం

శివోహం

ఏడుపుతో 

తొలి యాత్ర  

ఏడుపులతో  

తుది యాత్ర 

జీవితం అంటే 

ఇంతేనా ?

మరి 

నీ గురించిన ఆలోచనలు ??

" ఎప్పుడు తండ్రీ "  ???

శివోహం  శివోహం

శివోహం

శంభో!!!నా దారి నీ దరికే కాదా 

ఈ దాసుడు నీ దివ్యచరణాల సేవకే కాదా   

నా అడుగడుగు వడివడిగా నీ  కొండకే కాదా

నా మదిహృది నిన్ను తలుచుటకే కాదా

నా అణువణువు నీ ఆరాధనకే కాదా 

మహాదేవా శంభో శరణు...

శివోహం

శివా!నాల్గుముఖముల వాడు నింగిలో వెదకినా,

నాభి కమలము వాడు నేల తవ్వి వెదకినా

అంతు చిక్కనే లేదు నీ ఆద్యంత మెచటో

మహేశా . . . . .  శరణు .

శివోహం

అణువణువు వెలసిన దేవదేవుడు నీవు...

ప్రపంచమంతటికి నీవే మూలం...

నీ నీడనే యీ సమస్తం అంతా  ...

మా సమస్తమంతా నీకే అర్పితం ... 

మా మస్తకములందు నీ స్మరణ నృత్యమాడాలి ఈశ్వరా...

మహాదేవా శంభో శరణు...

శివోహం

ఆది మధ్య అంతం లేనివాడు...

బ్రహ్మ విష్ణు మహేశ్వర నిత్య పూజలందుకునే దేవదేవుడు...

ఉదయ మధ్యాహ్న సాయంకాల సూర్యుడిలా...

రేతిరి వేళ వెన్నెలు కురిపించే నెలరాజులా...

అన్నీ తానే అయి మనలను కాపాడే గణనాథుడు...

ఓం గం గణపతియే నమః

ఓం శివోహం... సర్వం శివమయం