శివోహం

కోరికల ఖజానాలు  ఖాళీ కావు 

బంధాల జాతరలు  ఆగి పోవు 

కన్నీటి సముద్రాలు  ఎండి పోవు 

మాయా తెరలు తొలగి పోవు 

మరి 

నిన్ను ఎలా చేరేది తండ్రీ 

శివోహం  శివోహం

శివోహం

శంభో

జీవిత పరీక్ష నీవే... 

ఫలితము నీవే... 

జీవన సార్ధకం నీవే... 

ఆదరించి అనుగ్రహించే దేవదేవుడవు నువ్వే...

మహాదేవా శంభో శరణు...

శివోహం

శివా!విశ్వమంత వెలుగులో చూడలేను

చీకటిలో నిన్ను చూడ చూపు తిప్పలేను

చింత మాన్పవయ్యా సంతసించ నేను

మహేశా . . . . . శరణు .

శివోహం

ఆ, ఉ, మా లను కలిపి అమ్మలాంటి "ఓం" గా మలచి

తొలి మాటగా అమ్మా అని కేరింతలు కొట్టించావు...

జీవితపు ఊయలలో, తోడుగా ఊగే ఊపిరి ఊగిసలాట లో నీవే నాలో నేను శివజ్యోతిని వెలిగించగ రావా శివ...

మహాదేవా శంభో శరణు...

శివోహం

ఎవరు బాధలు లేనివారు కన్నీటి జగతిలో

బాధ లెవరూ దాటలేరు

బాధలను తొలగించు శక్తి

ఎవరి కున్నది ధరణిలోన

దైవ మందు మనసు పడితే

బాధలన్నీ కరిగిపోవు

ఓం శివోహం... సర్వం శివమయం

శివోహం

తనువు నీవని మోసపోవద్దు...

అది ఎంత కులికినా వల్లకాటిలో కాలి బూడిదగును...

గాలి పీల్చిన దేహ ముండును...

గాలి పోయిన కుప్పకూలును...

చితిలో చర్మము చితికి పోవును...

కనుల ముందే మాయ మగును...

అందుకే ఓ మనసా పాపం పొగట్టుకో పరామాత్మను తెలుసుకో....

ఓం శివోహం... సర్వం శివమయం

శివోహం

ఐహిక భోగం విడిచేది

ఐహిక భోగం మరిచేది

మమకారములను విడిచేది

మదమత్సరములను తుంచేది

అయ్యప్ప దీక్ష లోనే...

ఓం శ్రీ స్వామియే శరణం అయ్యప్ప