శివోహం

చెడితే కానీ తెలియని.....

చెపితే కానీ అర్ధం కానీ....

ఆచరిస్తే కానీ అర్థం కానివి

శివ తత్వాలు , జీవిత రధచక్రాలు...

నిన్ను నీనామంతోనే విసిగిస్తాను...

ఓం నమఃశివాయ ఓం నమఃశివాయ 

అంటూ...

నీరాకకోసం ఎదురుచూస్తున్న...

మహాదేవా శంభో శరణు...

శివోహం

శివా!నడుము వరకు ములిగి పోయేను

నిను చేరు మార్గమ్ము మరచిపోయేను

చేయూత నిచ్చి నీ చెంత చేర్చుకోవా

మహేశా . . . . . శరణు.

శివోహం

శంభో

నా అంతరంగపు ఊసులు అన్నీ ...

నీకే చెప్పుకుంటూంటాను ...

నువ్వు వింటున్నావో లేదోమరి ...

చెడుగాలి నా చుట్టూ ఆవరించివుంది ...

ఉబుసుపోక చెప్పుకునే మాటలకు మల్లే ...

నా అంతరంగాన్ని గాలికొదిలేయకు సుమా ....

నీ ముంగిట విచ్చుకున్న పూవు లా ఊపిరి విడవాలనుంది ...

మహాదేవా శంభో శరణు...

శివోహం

హనుమంతుడు ఉన్నచోట 

భయం ఉండదు

ధైర్యం ఉంటుంది. 

నిర్వేదం ఉండదు

ఉత్సాహం ఉంటుంది. 

సంశయం ఉండదు

స్పష్టత ఉంటుంది. 

అలసత్వం ఉండదు

కార్యదీక్ష ఉంటుంది.

తడబడడం ఉండదు, 

దాక్ష్యం (కార్యసాధనలో నేర్పు) ఉంటుంది. అపజయం ఉండదు

విజయం ఉంటుంది.

ఓం శివోహం... సర్వం శివమయం

శివోహం

తొలివేలుపు  పూజతో ముదమునంది మీపై వరములుకురిపించుగాక వరదుడై

ఓం గం గణపతియే నమః

శివోహం

శివా!నిన్నంటు నిందేది నిఖిలమ్ములోన

నిను తాకు బలమేది భువనాలలోన

నను చేరు భయమేది నీ రక్షలోన

మహేశా . . . . . శరణు .

శివోహం

రాశులు 12

గ్రహాలు 9

జనన సమయం లగ్నం

లగ్నాధిపతి, రాశ్యాధిపతి, గ్రహాల చెలిమి, వైరములు

ఇవేమి తెలియవు నాకు..

నాకు తెలిసింది నీమాట, నీపాట.

ఎలా ఆడిస్తే అలాగే ఆడతాను

గెలిచిన, ఓడినా నీదే భారం

నీట ముంచుతావో,పాలముంచుతావో, 

గంగలో ముంచి మోక్షమే ఇస్తావో నీపై భారం వేసా..

భరోసా ఈయవయా మహేశా...

మహాదేవా శంభో శరణు...