శివోహం

శివా! "శివమయం జగత్ " అని అంటున్నా

ఆనందానుభూతి నాకు అందకుంది

అందనీవయ్యా ,నన్ను పొందనీవయ్యా.

మహేశా . . . . . శరణు .

శివోహం

శివా! నీవు నిత్యం మాతోనే ఉంటావు

అని అనడంలో అనుమానము లేదు

చెప్పడానికి ఉపమానమూ లేదు

మహేశా . . . . . శరణు .

శివోహం

శివా!వెలుగు వేల్పుకు వెలుగిచ్చు వాడా

జ్ఞాన మూలమై జగతిని భాసించు వాడా

నాలోన  జ్ఞానమై భాసించవోయి

మహేశా . . . . . శరణు .

శివోహం

ఆది పూజ్యుడవు....

ఎలుక వాహనుడవు...

కుక్షి నిండ నీకు కుడుము లిడుదు....

కరిముఖ గణపయ్య కాపాడు కరుణతో...

అర్థితోడ కొలిచి విన్నవించు కొందు....

విఘ్న రాజ కరుణతో కాపాడు.....

శివోహం

సృష్టి అంతా వ్యాపించి ఉన్నావు పరమేశ్వరా...

ఎటు చూసినా నీవే కదా...

మా ఈ పయనం పురోగమనమే...

నీవు కనిపించే వరకు మా పయనం ఆగదు ఈశ్వరా...

మహాదేవా శంభో శరణు.

శివోహం

సత్యం శివం సుందరం అంటే

నీవే తండ్రి నీవే...

వ్యథ గొంతున దాచే శివుడు నీవే..

నిందల మబ్బులు చీల్చి సూర్యుడవు నీవే...

యధ దీపంలా వెలిగి మా కలతలు తీర్చే దేవదేవుడు నీవే...

మహాదేవా శంభో శరణు...