శివోహం

శివా!నీకంటూ ఏమీ లేదు

నీది కానిది ఏదీ లేదు

నీకివ్వడానికి నాదేదీ లేదు

మహేశా . . . . . శరణు .

శివోహం

ప్రపంచంలో ఎవరి దగ్గరకు వెళ్లినా పూర్తిగా మనమే ప్రయాణించి వెళ్ళాలి...

ఒక్క భగవంతుడి మార్గం లో మాత్రమే సగం దూరం మనం వెళితే మిగతా సగం దూరం తానే ఎదురు వస్తాడు.

పూర్తి దూరం మనం ప్రయాణించాల్సిన అవసరం లేదు.

ఓం నమః శివాయ.

ఓం శివోహం... సర్వం శివమయం.

శివోహం

శివా!చక్రాలులేని రథాన సంచరిస్తున్నావు

బేసి కళ్ళతో నీవు భాసించు చున్నావు

చక్రాలు ఉండి, సరి కళ్ళ నేనేమి సాధించలేకున్నా

మహేశా . . . . . శరణు .

శివోహం

శివా!కరిపైన గిరిపైన ఎంత మక్కువో

కరి చర్మము దాల్చావు కరి వదనము కూర్ఛావు

గిరి తనయను కూడావు గిరి వాసము చేసావు

మహేశా . . . . . శరణు .

శివోహం

శివా!నరునిగా నేను ఇలను పుట్టి

నలిగిపోతున్నాను నువ్వు నేనుల మధ్య

ఇది కాస్త ఎరిగించు నా భ్రాంతి తొలగించు

మహేశా . . . . . శరణు .

శివోహం

శివా!అథోముఖ పయనంబు ఎన్నాళ్ళు నాకు

ఊర్ధ ముఖ పయనానికి ఊతమీయవయ్యా

ఆ ఊతమే ఏతమై నన్ను నీ చెంత నిలుపగా

మహేశా . . . . . శరణు.

శివోహం

పంచగిరి విహారుడు...

పానవట్ట బంధుడు...

కలియుగంబున జనులకు కల్పతరువు...

కోలిచినంతనె చాలును కోర్కెదిర్చి శుభము లిచ్చి కాపాడే జ్యోతిస్వరూపా

నన్ను దిద్దుకో...

సన్మార్గంలో

సద్బుద్ధితో

సద్భావనతో నన్ను నడిపించి...

తరింపజేసే భారం బాధ్యత నీదే...

హరిహారపుత్ర అయ్యప్ప శరణు.

ఓం శివోహం సర్వం శివమయం.