శివోహం

శివా!అన్నీ చూడ అడ్డుకనులకే సాధ్యం

నిన్ను చూడ నిలువు కన్నుకే సాధ్యం

నిలువుకన్ను తెరిచి నిన్ను చూచేలా చూడు

మహేశా  . . . . . శరణు

శివోహం

అయ్యప్ప! నా పంచ ప్రాణములను

పంచామృతములుగా చేసి

ఆభిషేకించ వచ్చితి ఆనతిమ్ము

మహేశా . . . . .  శరణు.

శివోహం

ఆరాధన అనేది అద్భుతమైన...

అందమైన మధుర భావం....

అది త్రిగుణా తీతం

అలౌకిక ఆనంద భరితం...

అనుభవైక వేద్యం కూడా...

ఓం శివోహం... సర్వం శివమాయం

ఆధ్యాత్మిక భక్తి ప్రపంచం

శివోహం

శివా!ముంచేయగ గంగమ్మ మీద పడుతుంటే

తృంచేసి మార్గాన్ని కొప్పునుంచావు

ఒడిసి పట్టుట నీకే ఒప్పునయ్యా

మహేశా . . . . . శరణు .

శివోహం

శివా!కుప్పల తెప్పలుగ కథలు కూడుతున్నాయి

సశేషాల కథలు ఇంక చాలునయ్యా  

సమాప్తమనిపించు కథను కంచికి నడిపించు

మహేశా . . . . . శరణు .

శివోహం

ఇలలో వెలసిన కైలాసనాథుడు...

శివ శివ అనగానే చింతలు తీర్చే సర్వేశ్వరుడు...

హరహర అనగానే ఆపదలు తొలగించే మహాదేవుడు...

ఆదిశక్తి తో లోకాలు కాచే లోకేశ్వరుడు...

శరణంటే చాలు కరుణించే బోళాశంకరుడిని నిత్యం శరణు వేడుదాం.. 

మహాదేవా శంభో శరణు...

శివోహం

అమ్మ చాటు బిడ్డవయ్యా

అగ్ర పూజలు అందుకొనే

అఖిల గణాలకు నాయకుడిగా!

అఖిల జగములు నిన్నే పూజింప

మూషిక వాహనుడు నీవైతివి

కోరినవారికి వరాలిచ్చే శివయ్య!

నీ కోసం మమ్ములను మరిచాడు

నీవైన కరుణించవా

కైలాసవాస తనయా జై గణేశా!!