---కన్నీటిని గుప్తంగా దాచడమూ నాకు తెలుసు!
దాచడానికి అనేక సాకులు ఉన్నాయనీ తెలుసు!
కంట్లో నలక ఏదో పడింది లాంటి
అనేక అబద్ధాలు ఆడడమూ తెలుసు!
రోదించి రోదించి అలసిపోయిన తర్వాత
పకపకా నవ్వడమూ నాకు తెలుసు!!
శంభో ! నీ ధర్మకాటా లో నా పాపపుణ్యాలు కాస్త అటూ ఇటూ అయినా నన్ను వదిలేయకు తండ్రీ... మహాదేవా శంభో శరణు
బాహ్యంలో నా నేను ఊరేగుతూ... అంతరంలో నా నేను కు దూరమై... ఎటూ చేరలేని అవస్థలు, తీరని బాధలు... నన్ను ఓ దరికి చేర్చవా పరమేశ్వరా.. మహాదేవా శంభో...