శివోహం

శివ...

కలిమయాలో లో ఉన్న...

కల్తీ మనసుల మధ్య ఉంటూ...

కలుషిత మాయెను మనసు...

నీ సేవలేల చేయగలను...

నీ కేమిచ్చి  మెప్పించగలను...

సర్వం నీవే సకలం నీదే కదా శివ...

కనుకట్టు తొలగించు కనుపిప్పు కలిగించు...

మహాదేవా శంభో శరణు...

శివోహం

శివా!మూణాళ్ళ ముచ్చట ఇలను ముగిసి

మరుభూమి బాటలో మేము పయనించు వేళ

స్వాగతించగ మమ్ము వేచి వున్నావా .

మహేశా . . . . . శరణు .

శివోహం

శివా!కల్మషాలన్ని కూలిపోయి

కాయమన్నది కాష్టాన కాలిపోయి

కూడ వచ్చినంత  కథ ముగియనిము

మహేశా . . . . . శరణు .

శివోహం

బంధాలు కొన్ని ఋణాలు తీరగానే బంధ విముక్తి అవుతాయి...

వారి నుండి దూరం పెరుగుతుంది...

కొన్ని రుణాలు జన్మ జన్మల నుండి వస్తూ ఉంటాయి...

అవే తల్లిదండ్రుల ఋణం, ఋషుల రుణం,దేవతా ఋణం...

ఇవి ఎప్పుడూ వెంటే ఉంటాయి.

మంచితనం, మానవత్వం, దయ ,పాప భీతి, భక్తి,భయం తో జీవితాన్ని ఆ దేవదేవుని పాదాల శరణు వెడితే జీవితం లో శాంతి ఆనందం లభిస్తుంది...

ఓం శివోహం... సర్వం శివమయం.

శివోహం

హరిహారపుత్ర అయ్యప్ప.

సకల ప్రాకోటికి మోక్ష  మార్గం చూపు  జ్ఞాన  దీపమైనావు...

మానవులలో వుండే అంధకారమును తొలగించే జ్యోతి వైనావు...

మనస్సుకు ప్రశాంతత  కల్పించే  దివ్యమంగళ  స్వరూపుడైనవు...

నీవే శరణు.

ఓం శ్రీ స్వామియే శరణం అయ్యప్ప.

ఓం శివోహం... సర్వం శివమయం.

శివోహం

శివా!నీకంటూ ఓ రూపం లేదంటున్నా

నాకోసం నీవు  రూపుదాల్చి వస్తున్నా

ప్రతి రూపం నీవే ఐతే నీ ప్రతిరూపం నేనుకానా

మహేశా . . . . . శరణు.

శివోహం

మనసు మానవుడికి భగవంతుడిచ్చిన భిక్ష...

దాని కక్ష్యలో బందీగా కాకుండా బంధువుగా జీవిస్తే నిత్యమూ ఆనందార్ణవంలో అమృతస్నానమే...

మనసును మందిరం చేసుకుని, మన ఇష్టదైవాన్ని ప్రతిష్ఠించుకోవాలి...

అప్పుడు ప్రతిబంధకాలన్నీ తొలగిపోయి, అదే అంతర్యామి కోవెలగా మారిపోతుంది.

ఓం శివోహం... సర్వం శివయమం.