శివోహం

శివా!రేయెండ రెక్కను తీసి

పూదండగ సిగలో పెట్టి

శాపానికి శాంతి నొసగేవు .

మహేశా . . . . . శరణు .

శివోహం

మధురమైన పదార్థం నాలుకకు కొంత సేపే తీపి దనాన్ని అందివ్వ గలదు.

శ్రావ్యమైన సంగీతం చెవులకు కొంతవరకే అస్వాదన కలిగించ గలదు.

చిత్రమైన దృశ్యాలు కళ్ళకు లిప్త కాలం మాత్రం మనో రంజనం చేయవచ్చు.

కానీ...

మనసుతో చేసే శివ స్మరణ మనిషికి ఆసాంతం అవధులు లేని ఆనందాన్ని, ముగ్ధ మనోహర మైన మనో రంజనాన్ని అందిస్తుంది.

ఓం శివోహం... సర్వం శివమయం.

శివోహం

మంచిమాట

అజ్ఞానం వల్ల చెడి పోతారు కొందరు, ప్రమాదవశాన చెడి పోతారు ఇంకొందరు.

తామే తెలివి గల వాళ్ళం అనే గర్వంతో చెడి పోతారు మరికొందరు.

చెడి పోయిన వాళ్ళ చేతుల్లో పడి చెడి పోతారు ఇంకొందరు.

శివోహం

శివా!గుండెల్లో ఉన్న నిన్ను గుడిలో చూస్తున్నా

గుడిలో ఉన్న నిన్ను గుండెల్లో చూడనీ

గుండె గుడిగా తెలియనీ తెలివి తేటపడనీ

మహేశా ..... శరణు.

శివోహం

శివా!తోడు లేని నీవే మాకు తోడైనావు

నీడ లేని నీవే మాకు నీడైనావు

మా తోడు నీడ నీవేనని తెలియ జేసినావు.

మహేశా . . . . . శరణు .

శివోహం

శివా!సగం నీవని అనుకున్నాను

సర్వం నీవని వింటున్నాను

విదితమవనీ విషయమంతా.

మహేశా . . . . . శరణు .

శివోహం

పట్టరాని దుఃఖం వచ్చిందని జుట్టు పీక్కోవడం ఎందుకు?

దాని వలన ఏమైనా బాధ తగ్గుతుందా ఏమిటి?

ప్రశాంతంగా ఆ దుఃఖాన్ని స్వీకరిస్తే, జుట్టూ మిగులుతుంది, బాధా కనుమరుగు అవుతుంది, మార్గాంతరమూ కనిపిస్తుంది.

దుఃఖాన్ని స్వీకరించడం ఎలాగో తెలిసిన వారికే, సుఖాన్ని ఎలా అనుభవించాలో తెలుస్తుంది.