చల్లని హిమగిరి పైన కూర్చుని ఉన్నావు...
చెల్లని మా బ్రతుకులను చూస్తూ ఉన్నావు...
మాపై ఇంత నిర్దయ ఏలనయ్యా...
ఇకనైనా మము కావగ రావయ్యా...
మా హృదయాలకు ఇంత వేదనెందుకయ్యా...
ఈ లోకంలో నీకన్నా మాకెవరయ్యా...
మనసా వాచా కర్మణా నిను నమ్మితి కదయ్యా....
శంభో ! నీ ధర్మకాటా లో నా పాపపుణ్యాలు కాస్త అటూ ఇటూ అయినా నన్ను వదిలేయకు తండ్రీ... మహాదేవా శంభో శరణు
బాహ్యంలో నా నేను ఊరేగుతూ... అంతరంలో నా నేను కు దూరమై... ఎటూ చేరలేని అవస్థలు, తీరని బాధలు... నన్ను ఓ దరికి చేర్చవా పరమేశ్వరా.. మహాదేవా శంభో...