శివోహం

శివా!నిన్ను చూడాలని వచ్చాను

నేను నేనుగా నీ పాదాల పడ్డాను

ఎగబాకి ఎదచేరి నీలో ఏకమైపోనీ

మహేశా . . . . . శరణు .

శివోహం

శివ...

సర్వ రోగ భవ భయ హర్తవు నీవే...

సకల లోక పాలన కర్తవు నీవే...

పత్ర పుష్ప ఫల తోయ అర్పణతో నే తృప్తి

పొందు భోళా శంకరుడవు నీవే...

శరణంటే మరవక వచ్చి రక్షించే విభుడవు నీవే..

మహాదేవా శంభో శరణు.

శివోహం

పూజకు వేళాయేను ప్రార్థన మొదలయ్యేను

సూర్యోదయముతో మేధస్సే ఉత్తేజమయ్యేను 

పుష్పాలన్నీ వికసించేను ని కోసమే

సుమ గంధాలన్నీ వీచేను నీ కోసమే

మెరిసే సువర్ణాలన్నీ వెలిగేను నీ కోసమే

సువర్ణ కాంతుల వెన్నెల వేచేను నీ కోసమే .

ఇకనైనా నీ మొద్దు నిద్దురా విడరా

కైలాసం దిగిరరా పరమేశ్వరా

ఆస్తులు అంతస్తులు అడగను

బంగారం ,మణి మణిక్యాలు అడగను, 

సంపదలు నాకు వద్దు

నీ నామ స్మరణే చాలు

నీకు అభిషేకం చేయడానికి కన్నీటిని సిద్ధం సిద్ధం చేసి ఉంచాను

నా మొర ఆలకించి దిగిరరా పరమేశ్వరా!!!!

మహాదేవా శంభో శరణు...

శివోహం

శివా!నడవగలేని నీవు జగతిని నడిపిస్తున్నావు

ఓటమెరుగని నీవు భక్తికి ఓడుతున్నావు

చిత్రాలకే నీవు చిరునామా అయినావు

మహేశా.....శరణు.

శివోహం

అంతట నీవు న్నావని తెలుసు...

గమనిస్తూ ఉన్నావని తెలుసు...

 చేయిస్తూ ఉన్నావని తెలుసు...

అంతా నీ మయ మని తెలుసు...

నిన్ను తెలుసుకోలేని మందబుద్ది కలవాణ్ణి..

మహాదేవా శంభో శరణు.

శివోహం

మహేశా...

పాప వినాశ...

కైలాస వాసా...

ఈశా నిన్నే నమ్మి నాను దేవా...

నీల కంధర మహాదేవ అంటేనే చాలు కరుణించి బ్రోచే దేవర మట్టి లింగమున కొలువై ఉండి దీవించే మహానుభావా నీవే శరణు...

మహాదేవా శంభో శరణు.

  

శివోహం

శివా!తంతైపోయె ఈ సంసారం

తెలియనీయకుంది నీ జ్ఞానం

జ్ఞాన విరియనీ పయనం ముగియనీ

మహేశా . . . . . శరణు .