శివోహం

శివా!చావు పుట్టుకలు నీ చేతబట్టుకొని

కర్మ,కామ్యములు మాకు విడిచిపెట్టి

ఆడుకుంటున్నావు నీవు అక్కడా ఇక్కడా

మహేశా . . . . . శరణు .

శివోహం

ఋణానుబంధాన్ని 

విశ్వసించి గుర్తుంచుకో ! 

నీ దగ్గరకు ఏ ప్రాణి వచ్చినా అలక్ష్యం చేయక ఆదరించు ! ఆకలిగొన్నవారికి 

అన్నం, గుడ్డలు 

లేని వారికి గుడ్డలు 

ఇవ్వు ! భగవంతుడు సంప్రీతుడవుతాడు 

 పేదవాన్ని చేరదీసి 

 పట్టెడన్నం పెడితే 

 సాక్షాత్తు పరమేశ్వరుడే 

ప్రసన్న మవుతాడు .

"బంధాలకు విలువ లేని సమాజంలో భగవంతునికి చోటువుందని"మరువకూడదు .

       

శివోహం

ఏ కోరికా లేకుండా భగవంతుడిని ప్రేమించడం,  ఆరాధించడం మనకు అన్ని విధాలా మంచిది. ఈ లోకంలో ఏదైనా విలువైన ఫలాన్ని పొందాలనే ఉద్దేశ్యంతో దేవుణ్ణి సేవించడం భక్తి అనిపించుకోదు!.  భగవంతుని కంటే విలువైనది మరొకటి లేదు. వేదాలు కూడానూ మన మనస్సులో ఏ కోరికలు లేకుండా భగవంతుడిని ప్రేమించమని సూచిస్తున్నాయి. దేవుని ప్రేమను పొందడానికి దేవుణ్ణి ప్రేమించాలి తప్ప ఇతర అవసరాల కోసం కూడదు.

శివోహం

రావాలనే ఉంది శివ...

పుట్టెడు బాధలు వదిలి...

అక్కరకు రాని బంధాలను వదిలి...

నిను చేరాలనే ఉంది శివ...

ఏ పనిలో ఉన్నా, ఏ మాట పలికినా, ఏ వేళ ను గానీ,

నా తలపులో మేదిలేవు మనసులో నిలిచేవు

ఈ దేహ ధ్యాస ఉండదు...

ఏ పనిలో చిత్త ముండదు...

ఇది కావాలని ఉండదు...

నిన్ను తప్ప ఏదీ కోరదు...

ఏమీ చేతురా శివ

మహాదేవా శంభో శరణు.

శివోహం

శివా!గమ్యాన్ని గమనించి గమనంలో నిలిచాను

సమయానికి నీ నామం చుక్కానిగ తోచేను

నా బాటను తోడైనావు,నా చూపుకు చూపైనావు

మహేశా . . . . . శరణు .

శివోహం

శివా!కట్టెనై కట్టెల్లో కాలేను పలుమార్లు

ఈ మట్టితో మనుగడ ఎన్నాళ్ళు

మన్నించి ముగించు ఈ తిరుగుళ్ళు

మహేశా . . . . . శరణు .

శివోహం

ఈ శరీరం ఒక రథం...

మన ఇంద్రియాలే గుర్రాలు

ఆ గుర్రాల  కళ్ళాలు మనసు...

మనసు సారధి...

బుద్ది రథికుడు ఐ రథాన్ని నడిపిస్తూ ఉంటాడు...

గుర్రాలు అనే ఇంద్రియాలు మనసు అనబడే కళ్లెం చేత  లాగబడుతూ  నియంత్రణ లో ఉంటే రథం తన గమ్యం అయిన ఆత్మ సన్నిధానం వేపు చక్కగా వెళ్తూ ఉంటుంది...

కోరికలు ఉంటే , మనసు బహిర్ముఖం అవుతుంది...

కోరికలు అణగి పోతే ,అంటే ఇంద్రియాలు నియంత్రించ బడితే మనసు అంతర్ముఖం అవుతుంది.

ఓం శివోహం... సర్వం శివమయం.