శివోహం

తండ్రి నీ ఆటలో ఆడీ ఆడీ అలసిపోయిన దాసుడను నేను...

ఈ దాసుని ఆలనాపాలనా యజమానిగా నీదే భాధ్యత...

మీ పాదములను ఆశ్రయించిన ఈ దాసుని జీవితము రాబోవు ఆ అద్భుతము కోసం వేచి ఉన్నది తండ్రి... 

మహాదేవా శంభో శరణు.

శివోహం

శివా ! నీ దివ్య ప్రేమకు మంత్ర ముగ్ధులము 

పారవశ్యమున నా మానసమున 

మునుగు మేము నీ చైతన్య జలధిని 

శివా ! నీ దయ

శివోహం

చిత్తం చపలం దాని ధోరణి చిత్రానుచిత్రం...

ఒకోసారి నిరాశధోరణి...

మరోసారి ఆశావహ దృక్పధం...

ఎప్పుడు దేనిని పట్టుకుంటుందో, దేనిని విడిచిపెడుతుందో కానీ, అందలం ఎక్కిస్తుంది,

దాని నియంత్రణలో ఉన్నంతకాలం అదఃపాతాళంలోనికి పడేస్తుంది...

స్వర్గ నరకాలను చూపిస్తుంది 

విస్మయమేమిటంటే, తప్పొప్పులను సమీక్షించుకోకుండా మనస్సుకు తోచిందే సరైనదని సమర్ధించుకుంటూ, అనాలోచిత అభిప్రాయాలను స్థిరపరుచుకుంటూ, సమస్యలను బూతద్దంలో చూసి దుఃఖపడడం!

సమర్ధించుకోవడం కంటే సరిదిద్దుకుంటే చాలావరకు దుఃఖం మటుమాయం.

ఓం నమః శివాయ.

శివోహం

శివ...

నన్ను బ్రోచే భారం నీదే...

బరువూ నీదే ప్రభూ...

త్రికరణ శుద్దితో నేను నీకు సమర్పించే అంతఃకరణాన్ని అనుగ్రహించు...

కృతజ్ఞతతో అర్పించే నా నిర్మల హృదయాన్ని నీ కొలువుగా మార్చి నన్ను నీ భావనలో  నీ సేవలో భావించి నన్ను  కృతార్థున్ని చెయ్యి తండ్రీ....

నిన్ను నమ్మిన నా నమ్మకాన్ని వమ్ము చేయకు.

మహాదేవా శంభో శరణు.

శివోహం

శివ...

నన్ను బ్రోచే భారం నీదే...

బరువూ నీదే ప్రభూ...

త్రికరణ శుద్దితో నేను నీకు సమర్పించే అంతఃకరణాన్ని అనుగ్రహించు...

కృతజ్ఞతతో అర్పించే నా నిర్మల హృదయాన్ని నీ కొలువుగా మార్చి నన్ను నీ భావనలో  నీ సేవలో భావించి నన్ను  కృతార్థున్ని చెయ్యి తండ్రీ....

నిన్ను నమ్మిన నా నమ్మకాన్ని వమ్ము చేయకు.

మహాదేవా శంభో శరణు.

శివోహం

శివలింగ ఆరాధన...

సృష్టిలోని స్త్రీ, పురుష లింగ జాతుల సమ్మేళనం...

భిన్నత్వంలో ఏకత్వం ద్వైతం లో అద్వైతం...

నీవు, నేను వేరు కాదు...

నేనే నీవు ,నీవే నేను...

ఓం శివోహం...సర్వం శివమయం.

శివోహం

నీకోసం ...

ఎదురుచూస్తూ ఎరుపెక్కిన 

నా కనుల అరుణవర్ణాన్ని ...

మించి ఉంటుందేమో నీ త్రినేత్ర నేత్రం ?

అందుకే అది నీ నుదుటిపై అక్కడుందేమో ??

నీ నామనాదంతో నినదిస్తూ 

నర్తించే నా ఒంటి నాలుకను ...

మించి ఉంటుందేమో 

నీ రెండునాలుకల నాగసర్పం?

అందుకే అది నిను పెనువేసిందేమో??

నీ రుద్రంతో రోమాంచితమయ్యే 

వేనవేల రోమశూలాల శరీరాన్ని ...

మించి ఉంటుందేమో నీ చేతి త్రిశూలశూలం?

అందుకే అది నిను చేరవచ్చిందేమో ??

తనువులోని అణువణువు

ఆత్మలింగమై అర్చించే ఆర్తిని ...

మించి ఉంటుందేమో 

నీ డమరుకనాద విన్యాసం?

అందుకే అది నీకు ఆలంబనమేమో??

నేను కూడా నీ ఆవేశాన్నే 

ఆయువు ఉన్న ఆయుధాన్నే ...

అక్కున చేర్చుకుంటావో ?

ఆలింగనం చేసుకుంటావో ??

" నీ అభీష్టం తండ్రీ " 

శివోహం  శివోహం