శివోహం

శంభో!!!

బతుకు పోరులో నేను దారి(ధర్మం)తప్పలేదు... 

భక్తి బాటలో నీ దారి(శివసేవ)మరువ లేదు...

జానెడు పొట్ట కోసమే ఈ నాటకం అంత...

నీ కింకరున్ని తండ్రి దయచూపు... 

మహాదేవా శంభో శరణు...

ఓం పరమాత్మనే నమః.

శివోహం

సతమతం అవుతున్న జీవితానికి నిర్ణయమే బలం...

మనసు పెట్టి ఆలోచించు మిత్రమా ఎన్నో మార్గాలు కనిపిస్తాయి...

ఓం నమః శివాయ.

శివోహం

కోల్పోయినవి ఎలాగో పొందలేము...

కానీ

పొందేవి మాత్రం కోల్పోయిన వాటికంటే గొప్పగా ఉండాలి...

నిజమే కదా మిత్రమా.

శివోహం

నిన్నే మా దేవుడని అనుకున్నాము 

మంచు మనసునీదని మా విన్నపాలు విన్నవించుకుంటున్నాము 

నీవొక నమ్మకమే కావచ్చు

నీకొక రూపం లేకపోవచ్చు

కాని శంకరుడంటే మంచివాడంటారు

కరిగిపోయే మనసు కలవాడంటారు

కోపమేమాత్రం వలదయ్య మాపై చూపు నీ దయ

నమ్మకం లేక కాదు కాని నరుడనయ్యాను

సందేహం కాదు కాని సామాన్యుడనయ్యాను

మన్నించి మా విన్నపాలు పంచుకో

మా మనసును ఓ జ్యోతివై మా హృదయాన్నే నీ ఆలయముగా చేసుకో

మహాదేవా శంభో శరణు...

శివోహం

శివా!కనులు మూసి చూచిన కారు చీకటి

కనులు తెరచి చూసిన చిమ్మ చీకటి

చీకటి పోయేలా చిచ్చు కన్ను తెరిపించు.

మహేశా . . . . . శరణు .

శివోహం

ఎదలో ఉంటే మనో నేత్రాలకి దర్శనం...  

ఎదురుగా ఉంటే మాంస నేత్రాలకి  దర్శనం...  

ఆత్మా  దేహం ఏకమయేలా నన్ను  నీ దర్శనం  చేయనీ...

మహాదేవా శంభో శరణు.

ఓం పరమాత్మనే నమః.

శివోహం

శివా!నీవు నా స్మరణలోనే వుంటూ

నాకు స్పురణగా రాకుంటే మరి

ఈ నా పలుకులెలా విరిసేను

మహేశా . . . . . శరణు .