శివోహం

శివా!నిప్పులు కురిపించు నీ నిలువు కన్ను

శీతోష్ణములు కూడి పంచు నీ అడ్డు కళ్ళు

ఏమి నీ నేత్రాలు అవి సృష్టిలో చిత్రాలు

మహేశా . . . . . శరణు .

శివోహం

వానకాలమేమి కాదు...

అదేమి వానో కానీ గుండె బరువుతో కన్నీటి వానా కురుస్తుంది నిన్ను అభిషేకించాలని కాబోలు.

శివ నీ దయ.

శివోహం

శివా ! 

నేనో పశువుని...

నీవు పశుపతివి...

ఇంతకంటే ఏం కావాలి సంబంధం...

నాపై నీవు దయ చూపించటానికి...

మహాదేవా శంభో శరణు.

శివోహం

శివాచిత్రాల భూమిగా చిరునామా చూపించి

మట్టి దిబ్బను ఏల ఇల్లుగా చేసావు

ఆ ఇల్లు ఎఱుక ఏలనో , తెలియనీకున్నావు

మహేశా . . . . . శరణు .

శివోహం

హరిహరపుత్ర అయ్యప్ప...

భౌతిక మౌనం తేలికగా ఉన్న....

నా మనసు అదుపులో లేక పరిపరి విధముల అదుపు తప్పుతోంది...

నా మనసుని మట్టు పెట్టు అట్టి పెట్టు నీవు నాకు తెలిసేట్టు...

మణికంఠ శరణు...

ఓం పరమాత్మనే నమః

శివోహం

నీ పిలుపు వినబడే వరకు...

నా గొంతు ముగబోయే వరకు నీకు పిలుస్తూనే ఉంటా శివ నీ దయ అంటూ..

శివ నీ దయ.

శివోహం

ఆ నలుగురు ఎందుకో మిగిలారు...

నాకో పేరుందని మోసేందుకు కాబోలు...

శివ నీ దయ.