శివోహం

ఋతువులకు అతీతమైన వర్షం..

నా కన్నుల్లో కురుస్తోందెందుకో. 

శివ నీ దయ.

శివోహం

శివా!అంతట ఆవరించిన నీ తేజం

గూడు కట్టి గుండెనుండట అది చోద్యం

గుండెలోకి చేరనీ అంతట నిను చూడనీ

మహేశా . . . . . శరణు .

శివోహం

శివ...

నువ్వు కానిది ఏది?...

నువ్వు లేనిది ఏది?...

సర్వాంతర్యామి నువ్వు సర్వం సృష్టించినవాడవు...

కడు కష్ట మయినా, కడు దారిద్ర్యం అయినా నీ కన్ను పడితే కనుమరుగు కావాల్సిందే...

అందుకే నీ కరుణ కోసం ఆరాట పడుతున్నాను...

సర్వ కాలమందు నా తోడుండగలవని ఆశిస్తున్నాను.

మహాదేవా శంభో శరణు.

శివోహం

శివ...

మనస్సు వాక్కు రెండు వైపుల

కర్మను మధ్యలో ఉంచి నా జీవన త్రిశూలం నీ చేతిలో ఉంచుకున్నావు..

నా ఆలోచనలకు అధిపతివి...

నా ఆచరణకు అధికారివి నీవు...

నాహృదయానికి ఆత్మీయుడవు నీతో నన్ను నిలుపుకో శివా కన్నప్ప లా.

మహాదేవా శంభో శరణు.

శివోహం

మనస్సును కదిలించే దివ్యమైన మంగలకరమైన దృశ్యం తో ఒక గంట సేపు లయం చేస్తూ తాదాత్మ్యం పొందడమే దైవభక్తి...

ఇలా మనలో దైవారాధన భావము పెంచుకోవడం కన్నా మహాభాగ్యం జీవితంలో ఇంకా  ఏముంటుంది...

ఓం శివోహం... సర్వం శివమయం

శివోహం

శివా!నీ కన్నుల తేజాన్ని శశి భానులకందించి

శశి భానుల వైభవాన్ని రేయి పగలుగా తెలిపి

కాల గతిని కనుగొనక కరుణించావు.

మహేశా . . . . . శరణు .

శివోహం

శివ!!!మనిషిలా ఎందుకు పుట్టించావు నాకు ..

నీటిలోని ప్రతిబింబం లాగా నో లేక నీటి మీది గాలి బుడగలగా పుట్టిస్తే బాగుండు కదా శివయ్య...

 పలకరింపు లాంటి బహుపలుచని క్షణాలు కొన్ని గడిపి మాయమైతే సరిపోయేదేమో నేను...

ఇక ఈ జన్మనైన సరి చేయవయ్య నీ కుడికల తీసివేతలతో....

మహాదేవా శంభో శరణు...