శివోహం

కాలు కదిపితే ఆటట..

నీ కన్ను తెరిస్తే మంటట...

నీ నాటకాన మేమంతా నటులమట...

ఒట్టు వట్టి చీమలమట...

ఈ ఆటయ్యాక చేరేది నీ గూటికేనట కదా...

అక్కున చేర్చుకో ప్రాణేశ్వరా.

మహాదేవా శంభో శరణు.

శివోహం

శివా!భ్రమలలో నేనున్నాను

ప్రభలతో నీవున్నావు

నీ ప్రభలు తాకి నా భ్రమలు తొలగనీ

మహేశా . . . . . శరణు .

శివోహం

కర్మలు చేయకుండా ఉండలేం...

కర్మ ఫలితాలు అనుభవించకుండా తప్పించుకోలేం...

ఈ కర్మ వలయాన్ని భేదించుట అంత సులువు కాదు కానీ దైవ స్ఫురణ, నామ స్మరణ కర్మలు దగ్ధం అవ్వడానికి దారి.

శివ నీ దయ.

శివోహం

శివా!ప్రతి రూపున వెలుగుతున్నావు

ప్రతి పేరున ప్రభవించు చున్నావు

ప్రభలు నీవేనయ్య పేరు పేరునా

మహేశా . . . . . శరణు .

శివోహం

రోజుకో గంట ధ్యానంలో క్షణకాల భాగ్యం...

లోకాన్ని చూసే కన్నులు తప్ప నిన్ను చూసే

నేత్రాలు లేవు...

ఏ కోరిక కొరను నిన్ను జ్ఞాన భిక్ష జ్ఞాన నేత్రాలు తప్ప.

శివా నీ దయ

మహాదేవా శంభో శరణు.

శివోహం

చమత్కారం చురుక్కు మంటుంది

ఛీత్కారం గురించి చెప్పేదేముంది

ఏ కారమయినా మమకారం ముందు దిగదుడుపే.

ఓం నమః శివాయ

శివోహం

శివా!విశ్వాన్ని చూడగ రెండు కళ్ళు

విశ్వ నేత్రుని చూడగ ఒక కన్నూనా

ఏక నేత్రమున నీ ఎఱుక సాధ్యమా

మహేశా . . . . . శరణు .