శివోహం

సంపద లెరుగను సొంపైన 

నీ నామంబుతప్ప....

ధనమును కాంచను ఘనమైన 

నీ రూపంబు తప్ప....

భవనములు ఎరుగను భవ్యమైన 

నీ చరణారవిందములు తప్ప....

కనకపురాసులు ఎరుగను కోమలమైన 

నీ కృపా కటాక్ష వీక్షణములు తప్ప....

మహాదేవా శంభో శరణు.....

శివోహం

అలసిపోయిన బ్రతుకుకు

బతకగలను అని నువ్వే ఇవ్వాలి తండ్రి.

ప్రశ్న గా మారిన జీవితానికి సమాధానం నీవే ఇవ్వాలి...

మహాదేవా శంభో శరణు.

శివోహం

పరిస్థితులు ఎప్పటికి ఒకేలా ఉండడానికి అవేమి అస్తిపాస్తులు కావు...

కానీ అమ్మ నీ దయ ఉంటే అన్ని ఉన్నట్టే తల్లి.

అమ్మ మాయమ్మ దుర్గమ్మ శరణు

శివోహం

శివ!

నిర్మలమైన రూపం నీది...

ప్రకృతినే నీయందు నిలుపుకున్నావు...

సుందర రూపుడవు నీవు...

భౌతికంగా నీచిత్రం ఇంత అందంగా ఉంది...

మరి అంతరంగాన నీదర్శనమెప్పుడిస్తావు....

నిజ దర్శన భాగ్యం కలిగే రోజు కోసం చకోరా పక్షి లా ఎదురు చూస్తున్న.

అత్యాశ అనుకోకు తండ్రి ఆశీర్వదించు..

మహాదేవా శంభో శరణు.

శివోహం

కలసి రాని కాలం తో కాళ్లకు బంధాలను కట్టుకుని ..

పరిగెడుతున్నాను నీకు కనపడలేదా...

బంధనాలు తెంచుకొలేని బంధీనై భాదలు నీతో  మొరపెట్టుకున్నాను వినపడలేదా చెప్పవయ్యా...

కాటేసే కష్టాలను ఎన్నేళ్ల ని మోయను..

మాటుగా తుడుచుకునే కన్నీళ్లను ఎన్నాళ్ళని దాయను....

ఎన్నని భరించను ఎంతని నటించను...

కరుణించు లేదా ఈ కట్టెను కడతేర్చు.

శివోహం

త్రిశక్తి స్వరూపిణి.....

త్రైలోక్య సంచారిణి....

అమ్మలగన్నయమ్మ.....

ముగురమ్మల మూలపుటమ్మ ....

ఇంద్రకీలాద్రిపై స్వయంభువై...

భక్తులను అనుగ్రహిస్తున్నవు.

అమ్మ కనకదుర్గమ్మ నీకు వందనం.....

ఓం శ్రీమాత్రే నమః

శివోహం

సీతా నాయక గోవిందా

శ్రితపరిపాలక గోవిందా

లక్ష్మీ పతయే గోవిందా

లక్ష్మణాగ్రజా గోవిందా

దశరధ నందన గోవిందా

దశముఖ మర్దన గోవిందా

పశుపాలకశ్రీ గోవిందా

పాండవప్రియనే గోవిందా

బలరామానుజ గోవిందా

భాగవతప్రియ గోవిందా

గోకులనందన గోవిందా

గోవర్ధనోధ్ధార గోవిందా

శేషశాయినే గోవిందా

శేషాద్రినిలయా గోవిందా