శివా!నేనును తీరుగా కప్పి వుంచేవు

ఆ తీరును మేనుగ ఒప్పించేవు

మేను కాని నేనును నేనెరుగనీ..

మహేశా . . . . . శరణు .

 శివా!నమః శివాయ నమః శివాయ అంటున్నా

నకార మకార మమకారం తొలగించమంటున్నా

రాగ , వికారాలు వదిలించమంటున్నా

మహేశా . . . శరణు .

 శివా!అడ్డు కన్నుల చూడ అర్ధనారీశ్వరము

నిలువు కంటికే తెలియు నీ నిజ తత్వము

నిలువు కన్ను విరియనీ నిజ తత్వం తెలియనీ

మహేశా . . . . . శరణు .

 శివా!పుట్టి పెరిగితి నేను పుడమి సాక్షిగా

తెలిసి కొలిచితి నిన్ను కర్మ సాక్షిగా

జీవన పయనం సాగుతోంది నీవె రక్షగా

మహేశా . . . . . శరణు .

 https://whatsapp.com/channel/0029Va9CNhj2phHQFeKqhY0u

శివ!

మతిమరుపు వాడినని మతిమరపును నాలో మరీ మరీ పెంచకు తండ్రి...

నా ఆత్మ విశ్వాసాన్ని అసలే సడలించకు...

తప్పటడుగు వేయించకు శంకరా...

తప్పులు అస్సలే చేయించకు తండ్రి ....

నీ పాదం విడవని భక్తిని ప్రసాదించు...

పాత్ర మార్చి కరుణించు నంది పక్కనే పడి ఉంటా...

మహాదేవా శంభో శరణు........

 బాహ్యంలో నా నేను ఊరేగుతూ...

అంతరంలో నా నేను కు దూరమై...

ఎటూ చేరలేని అవస్థలు, తీరని బాధలు...

నన్ను ఓ దరికి చేర్చవా పరమేశ్వరా..

మహాదేవా శంభో శరణు.

 శివా!పొగడ్త తెగడ్తలు నీకు పట్టవాయె

పంచభూతములు నిన్ను పట్టలేవాయె

నిన్ను పట్టి కట్టగలది ఆ భక్తియొకటే

మహేశా . . . . . శరణు .