శివోహం

శివా!నాలో స్పురణగా తెలిసేవు

నాలో స్మరణగా సాగేవు

సర్వదా శుభమలే కూర్చేవు

మహేశా . . . . . శరణు .

శివోహం

https://whatsapp.com/channel/0029Va9CNhj2phHQFeKqhY0u

వాంఛలను తీర్చమని అర్థించేవాని కన్నా

భక్తిని పెంచ మని,

ముక్తిని ప్రసాదించ మని ప్రార్థించే వానికే పరమాత్మ కృప లభిస్తుంది.

ఓం నమః శివాయ.

శివోహం

శివా!నందికి కూడి నడదారి పట్టేవు

నా మోపునీయగ మరి సిద్ధమే

అధివసించగరమ్ము ఆట విడుపుగా

మహేశా . . . . . శరణు .

శివా!లోచనములకు అందవు

ఆలోచనలకు అందేవు

అనుభూతిని పంచేవు

మహేశా . . . . . శరణు .

శివోహం

లేనిది కావాలనిపిస్తుంది ఉన్నది వద్దనిపిస్తుంది…

సూదూరంగా ఉన్నవి సౌందర్యంగా చేరువైనవి వ్యర్ధంగా…

శాంతినిచ్చేవి చీకాకుగా అశాంతి నిచ్చేవి ఆనందంగా...

స్థితిమితానికీ ఆస్తిమితానికి మధ్య ఊగిసలాట....

అదే మనస్సు మాయే మనస్సు మనస్సే మాయ...

మనస్సును జయిస్తే మాయను జయించినట్లే మనస్సును స్థిరం చేస్తే మోక్షం ప్రాప్తించ్చినట్లే…

తెలిసిన వారికి సిద్ధాతం…

తెలియని వారికి వేదాతం.

ఓం శివోహం…సర్వం శివమయం

శివా!కనులు మూసి చూసాను కానలేకపోయాను

కనులు తెరచి చూసాను తెలియలేకపోయాను

ప్రయత్నమైతె చేసాను ఫలమీయమన్నాను

మహేశా . . . . . శరణు .

శివా!మందాకినియే సిగను కూడ

ఉదకాభిషేకానికే నీవు ఉబ్బనేల

తలవంచి అడిగేను తెలియజెప్పు

మహేశా . . . . . శరణు .

శివా!ఏరి కోరితి నిన్ను భాగ్యమీయ

భాగ్యమన్న నాయందు సిరులుకావు

నీ పాద రేణువుగ నన్ను తెలియనీయి

మహేశా . . . . . శరణు .

శివా!విశ్వ ధ్యానమున నీవు వున్నావు

పరధ్యానమున నేను వున్నాను

పడిపోనీకు నన్ను వోడిపోనీకు.

మహేశా . . . . . శరణు.

శివా!స్పురణగా రావేమి

కరుణతో కనవేమి

శరణమన వినవేమి

మహేశా . . . . . శరణు

శివా!కుప్పల తెప్పల కథలు కూడుతున్నాయి

సశేషాల కథలు ఇంక చాలునయ్యా

సమాప్తమనిపించు కథను కంచికి నడిపించు

మహేశా . . . . . శరణు .

శివా!ఇహమును వీడగ మోహాలు

పరమును చేరగ బంధాలు

తొలగించుమా నన్ను కరుణించుమా

మహేశా . . . . . శరణు .

శివా!అహము విడిచాను తలను వంచాను

తలపులో సదా నిన్నే నిలుపుకున్నాను

నిన్ను స్మరణ గొన్నాను శరణమన్నాను

మహేశా . . . . . శరణు .

శివా!శ్వాసతో సాగేవు స్మరణగా

ధ్యానంలో నిలిచేవు ధ్యేయంగా

పర ధ్యానమే కోరేను వరముగా

మహేశా . . . . . శ‌రణు .

శివా! గుండె గుడిని నీవున్నా

గుర్తు లెన్ని తెలుసున్నా

గతి నె‌రుగలేకున్నా మతి నీయవా

మహేశా. . . . .శరణు.

శివా!కరుణగా తెలిసేవు

స్పురణగా విరిసేవు

శరణమంటి నీ చరణమే

మహేశా . . . . . శరణు .

శివా!సృష్టి నిర్మాణమున పరమేష్టి నీవే

స్థితి కార్యము నందు శ్రీహరివి నీవే

లయ ప్రళయముల రాజిల్లు నీవే

మహేశా . . . . . శరణు .

శివా!సిగలోన శిఖి పించముంచి

కనుల పైన కస్తూరి తిలకముంచి

సుదర్శన మిలా అందజేసావు

మహేశా . . . . . శరణు .

శివా!కైలాసమును నుండి కదలి వచ్చేవు

వైకుంఠమును చేరి వెలుగు పంచేవు

విష్ణుమూర్తిగ నీవె వ్యాప్తి చెందేవు

మహేశా . . . . . శరణు .

శివా!నీ నిజ రూపము నెరుగ రూపమేది

నీ దివ్య తేజము నెరుగ దారి యేది

రూపమే దాల్చేవో,తేజమై తెలిసేవో

మహేశా . . . . . శరణు .

శివా!స్పురణకు సూత్రము నీవు

స్మరణకు మాత్రము నేను

సాధన చేయగ మేను

మహేశా . . . . . శరణు

శివోహం

https://whatsapp.com/channel/0029Va9CNhj2phHQFeKqhY0u

శివా!

యోగినై సంచరిస్తున్నా ఆత్మ వేత్తనై పరిశీలిస్తున్నా నిర్దారించలేని సృష్టి రహస్యం ఊహాతీతమైన విశ్వం మొదలెక్కడ? చిట్ట చివరెక్కడ?

తెలుసుకోవాలనే తపన నాది తెలుసు, గమ్యం వుందో లేదో తెలియని గమనం నాదని తెలుసు, ఆనంతాన్ని కొలిచేందుకు చేసే రవ్వంత ప్రయత్నం నాదని.

మహదేవా శంభో శరణు.

శివోహం

శివా!

నా జీవితంలో ఉన్న సమస్యలలో 99 శాతం సమస్యలు నేను సృష్టించుకున్నవే…

ఎందుకంటే నేను జీవితాన్ని గంబిరమైనది అని అనుకున్నారు.

శివ నీ దయ

శివా!ఏదైనా నిన్నే అడుగుతాను

అడగడం నా హక్కు కాదంటావా

నీవే నాకు దిక్కు ఏమంటావు

మహేశా . . . . . శరణు .

శివా!ఏదైనా చెప్పు ఏదో వొకటి చెప్పు

నిన్ను తెలిసేలా నేను విరిసేలా

నీతో కలిసేలా నేను మెరిసేలా

మహేశా . . . . . శరణు .

శివా!మారుతున్న జగతిలోన మసలుచున్న నేను

మారని నిన్ను చేర ముడుపు మూట కట్టినాను

ముడుపు నాకు చెల్లనీ మూట నీకు ముట్టనీ.

మహేశా.....శరణు.

శివా!ఋబు గీత చదివి యున్నాను

ఋజు మార్గము తెలుసు కొన్నాను

ఋషిని అగు కాంక్ష కలిగియున్నాను.

మహేశా . . . . . శరణు .

శివా!సూర్య చంద్రులు నీ కంట వుదయించి

నింగినేలగ చరియించి వెలుగులు పంచేను

ఏమి వెలుగులు నీవయ్య విశ్వనాథ.

మహేశా . . . . . శరణు .

శివా!వేరు భావన నానుండి వేరుచేయి

వేద వాదము నాలోన విరయనీయి

నేను అన్నది నిను చేరి ముగియనీయి

మహేశా . . . . . శరణు.

ఓంకారాన్ని చూస్తుంటే వింటుంటే,

అంటుంటే తెలియని తరంగాలు

తోసుకొస్తుంటే .....

ఏమి చెప్పను ఆ ఆనందానుభూతి

అది అక్షరాలకందని . తెలుసుకోండి

చూస్తూ ,అంటూ ,వింటూ.

శివా!ఒంటిగా నను పంపి వెంట నీవన్నావు

సత్య ధర్మముల వెంట సాగిపోమన్నావు

తెలియలేదంటె శోధించమన్నావు

మహేశా ..... శరణు.

శివా!తెలిసి చేస్తున్నాను స్మరణ

తెలియకనే కలుగుతోంది స్పురణ

సద్గతికి కోరి వేడుతున్నాను శరణు .

మహేశా . . . . . శరణు.

శివా!నందిని ఏమని పిలవాలి

నీ చిందులు ఏమని తెలియాలి

తెలియనీయవయ్యా తెలివి నొసగి

మహేశా . . . . . శరణు.

ఏందయ్యా నీవు ఎనకనే వుంటావు

మా కన్నెదుటకేలనో కనరావు

వున్నావు అన్నారు అంతటా నీవనీ

విన్నాను అన్నాను కనిపించ రమ్మనీ

ఓ విశ్వనాథా శ్రీ విశ్వనథా

శ్రీ విశ్వానాథా ఓ విశ్వనాథా

తొలి దైవమై నీవు తెలియ వచ్చేవు

తొల్లింటి వాడిగా పూజలందేవు

తెలివి తేటకు నీవు తలుపు తీసేవు

తెలివిలో తేజమై తెలియ వచ్చేవు

ఓ విశ్వనాథా శ్రీ విశ్వనథా

శ్రీ విశ్వానాథా ఓ విశ్వనాథా

లింగాన తెలిసేవు అంగాన్ని పంచేవు

అర్ధాంగినొక రీతి తెలియ జేసేవు

అర్ధ పరమార్ధాలు అందు నిలిపేవు

అది మాకు తెలియగా భోద చేసేవు

ఓ విశ్వనాథా శ్రీ విశ్వనథా

శ్రీ విశ్వానాథా ఓ విశ్వనాథా

కథ మొదలు నీవెగా కన్నావు

కథ ముగియు వేళలో కూడేవు

కథలన్ని నీతోనె సాగేను

కథ ముగియ కంచికే చేరేను

ఓ విశ్వనాథా శ్రీ విశ్వనథా

శ్రీ విశ్వానాథా ఓ విశ్వనాథా

శివా!తోడు లేకనే తిరుగుతున్నావు

నీడ లేకనే నిలిచి వున్నావు

మా తోడు,నీడ నీవై వున్నావు

మహేశా . . . . . శరణు .

శివా!జన్మను తీసుకు వచ్చాను

క‌ర్మలు కూడి వున్నాను

ఓ కంట చూసి కాల్చుమా కర్మలను

మహేశా . . . . . శరణు .

శివా!లెక్కపెట్టగ లేవు నీ యింట వాసాలు

చిత్రాతి చిత్రాలు నీ నామ రూపాలు

చిత్త భవుడవె గాని చిత్తాన తెలియవు

మహేశా . . . . . శరణు .

శివా!నీ చిరు నామమే నే తెలుసుకున్నాను

నీ చిరునామా ఎక్కడో తెలియలేకున్నాను

తెలిసేదెలా నేను నిన్ను కలిసేదెలా

మహేశా . . . . . శరణు .

శివా!రంగు లేదు ఏ హంగు లేదు

నీ రూపము తెలియగ లేదు

నీ తేట తేజము నాకు తెలుపుమయ్యా

మహేశా . . . . . శరణు .

శివా!ఊపిరై తిరుగుతూ తిరగనిచ్చేవు

వెలుగువై అంతటా చూడనిచ్చేవు

నాలోని నీ వెలుగు చూడనీవయ్యా

మహేశా . . . . . శరణు .

శివా!స్మరణ సాగుతోంది

స్పురణ కలుగుతోంది

ఏదైనా నీవేనని తెలుస్తోంది

మహేశా . . . . . శరణు .

శివా!కంటి చూపుతో కంధర్పుని కాల్చినా

నోటి మాటకు నీ నోట విషము పట్టినా

లోక కళ్యాణానికే నీవు కట్టుబడినావు

మహేశా . . . . . శరణు .

శివా!జీవునిగ పుట్టాక నీ పదము మ్రొక్కాక

తెలుసుకో మంటున్నారు నేనెవరో

తెలుసుకుంటే మరి నేనెక్కడ నీవెక్కడ

మహేశా ..... శరణు.

శివా!భూమాకాశములు బగ్గుమన్నను

కడలి వొడిని అన్నీ ఏకమైననూ

ఈ ధ్యానమేమిటో దీని అర్ధమేమిటో

మహేశా . . . . . శరణు .

శివా!ఏ ఆస్థానమూ కోరలేదు

నీ సంస్థానమున కూడనిమ్ము

నా ప్రస్థానము ఇలా ముగియనిమ్ము.

మహేశా . . . . . శరణు .

శివా!పిలిచినదే తడవుగా వచ్చేస్తావు

అడిగినదే తడవుగా యిచ్చేస్తావు

భక్త సులభుడంటే మరి ఎవరయ్యా

మహేశా . . . . . శరణు .

శివా!అడిగినదె తడవుగా ఆరగించేవు

అటు ఇటూ పోకుండ అంగుట్లో పట్టేవు

ఎట పోయినా రక్షించు భారము నీదేనని

మహేశా . . . . . శరణు .

శివా!ధూర్జటి అని నిను తలచినంత

దూరమై పోవు దుఃఖములన్నీ

చేరువై పోవు నీ చెలిమి కలిమి

మహేశా . . . . . శరణు .

శివా!మననంలోనే మనుగడ సాగిస్తూ

స్మరణంలోనే శాంతిని సాధిస్తూ

ధ్యానంలో సదా నిన్ను దర్శించనీ

మహేశా . . . . . శరణు .ఏదో

శివా!నీ చిందు చూడ పసందు

కను చెవులకు అరుదైన విందు

ఆ భాగ్య మొకసారి కలిగించమందు

మహేశా . . . . . శరణు .

శివా!తట్టి లేపగ నీవే తరలి వచ్చి

తమోగుణమును తరిమికొట్టి

మనో నాశనముకై మందు వేసావా

మహేశా . . . . . శరణు

శివా!నీ పాదాల పడి మ్రైక్కినా

నీ నామం గాలితో కలిపి త్రిప్పినా

నాదైన మనసును గాడిని పెట్టుటకే

మహేశా . . . . . శరణు .

శివోహం

ప్రతి ఒక్కరి బతుకులోనూ ఏదో ఒక వేదన ఉంటుంది…

తేడా మాత్రం ఒక్కటే...

కొందరు రోదిస్తూ చెప్పుకుంటారు…

కొందరు నవ్వుతూ దాచుకుంటారు.

నేను రెండో రకం.