జీవితంలో దొరికిన
అద్భుతమైన జతగాడివి నీవు
శాశ్వత నిద్రకు సాగనంపి
కైలాసం కానరాక
ఎక్కడ దారి తప్పుతానో అని
మరుభూమిలో సైతం
ఎదురు చూసే మిత్రుడవు
భవుడవు ... హరుడవు
శివుడవు ... మహాదేవుడవు
ప్రాణ ప్రియుడవు నీవే తండ్రీ
శంభో ! నీ ధర్మకాటా లో నా పాపపుణ్యాలు కాస్త అటూ ఇటూ అయినా నన్ను వదిలేయకు తండ్రీ... మహాదేవా శంభో శరణు
బాహ్యంలో నా నేను ఊరేగుతూ... అంతరంలో నా నేను కు దూరమై... ఎటూ చేరలేని అవస్థలు, తీరని బాధలు... నన్ను ఓ దరికి చేర్చవా పరమేశ్వరా.. మహాదేవా శంభో...
No comments:
Post a Comment