ప్రణయ భక్తి మార్గములో
పయనించే దాసుడ్ని నేను
గమ్యమునకు చేర్చి నన్ను
కనికరింపవోయి ఓ కృష్ణా!
కోనలోని కోకిల వలె
కొసరి పలుకు నా నాదము
నీ స్వరములయందు కలిసి
నిర్మలమై మాసిపోవా!
కన్నులయందు కదలాడే
కమనీయపు నా రూపున
నిలిచిపోవా, కలిసిపోవా
నీరాజాక్ష కరుణింపుము!
మధుర వేదనల సెగలను
మసిలిపోవు నా హృదయము
చందనమై నీ పదముల
చిందునటుల దయచూడుము!
భస్మమైన నా చితిపై
బంగారపు మురళి ఉంచి
ఒక్కసారి నన్ను తలచి
అలవోకగా పోయు కరుణాశ్రువు!
No comments:
Post a Comment