నుదుటి రేఖలని నీ విబూధితో ముంచేస్తున్నాను...
నిత్యం నీనామం పట్టుకుని వేలాడుతున్నాను...
అయినా నీకు నాపై దయరాలేదు అంటే
నేను నీకు నచ్చలేదా?...
లేక నిన్ను నేను మెప్పించలేక పోవుచున్నానా?
ప్రతిసారీ పరమపద సోపానంలో పాతాళానికి తోసేస్తున్నావు...
శంభో ! నీ ధర్మకాటా లో నా పాపపుణ్యాలు కాస్త అటూ ఇటూ అయినా నన్ను వదిలేయకు తండ్రీ... మహాదేవా శంభో శరణు
బాహ్యంలో నా నేను ఊరేగుతూ... అంతరంలో నా నేను కు దూరమై... ఎటూ చేరలేని అవస్థలు, తీరని బాధలు... నన్ను ఓ దరికి చేర్చవా పరమేశ్వరా.. మహాదేవా శంభో...
No comments:
Post a Comment