మనసుల్ని ముడివేసి...
నిన్న మొన్నటి పరిచయాన్ని
జన్మ జన్మల బంధంగా....
లేని బంధంలో తీయని అనుబంధాన్నిచూపిస్తాడు దేవదేవుడు...
అతగాడి తోలుబొమ్మలాటలో బంధాలనే దారాలకి... వేలాడుతున్న బొమ్మలం...
ఎవరికెవరు సొంతమో తెలియని మనసున్న మరబొమ్మలం...
శంభో ! నీ ధర్మకాటా లో నా పాపపుణ్యాలు కాస్త అటూ ఇటూ అయినా నన్ను వదిలేయకు తండ్రీ... మహాదేవా శంభో శరణు
బాహ్యంలో నా నేను ఊరేగుతూ... అంతరంలో నా నేను కు దూరమై... ఎటూ చేరలేని అవస్థలు, తీరని బాధలు... నన్ను ఓ దరికి చేర్చవా పరమేశ్వరా.. మహాదేవా శంభో...
No comments:
Post a Comment