శివోహం

శివా!నీవు నామ రూపాలకు అతీతం 

నేను నామ రూపాలకు పరిమితం

నన్ను కరుణించు నా పరిమితి పెంచు 

మహేశా ..... శరణు.

 శివా!గుర్తు తెలియని గమ్యం చేరేదెప్పుడో ?

జనన మరణ భ్రమణం ఆగేదెప్పుడో ?

తెలిసేదెలా ?......కథ ముగిసేదెలా .......?

మహేశా. .....  శరణు.

శివా! ఈ బ్రతుకు బండికి......

ఎద్దు ఎనుబోతుల జోడీ  ఏమిటయ్యా

ఏదో ఒకదానిని  కూర్చవయా

మహేశా......శరణు.

 శివా!నీ ద్వారానికి నేను తోరణమైతే

అదే నాకు ఆభరణం

ఈ జన్మకు భరణం

మహేశా . . . . . శరణు .

 శివా!నా మౌనం మసకబారింది

మౌనం మసకేయ ,మాట ముందుకొచ్చింది

మనసు దిగులుగా ముడుచుకుంది మన్నించు

మహేశా . . . . . శరణు .