హనుమంతుడు మహా బలశాలి
మనసును మించి పయనించు ధీశాలి
జ్ఞానములోన జగతిని మిన్న
సంగీతమున సర్వులకు మిన్న
వాక్కులలోన వాగ్ధేవి సుతుడు
చేష్టలందున చెలిమికి హితుడు
కార్యశూరుడు కర్మ వీరుడు
కామ్యములన్నవి ఎరుగని వాడు
నిర్మల చిత్తుడు నిష్టా గరిష్టుడు
నింగిని నేలకు తేగల ధీరుడు
బ్రహ్మ వరమును పొందినవాడు
బ్రహ్మచర్యమున ఘనుడితడు
అందరి మన్నలందిన వాడు
ఆత్మ విశ్వాసమున అధికుడు ఇతడు
స్థిర చిత్తముతో మసలెడి వాడు
చిరంజీవిగా స్థిరమయినాడు
పూజలు చేసిన పూజ్యనీయుడు
రాగల యుగమున కాగల బ్రహ్మ
No comments:
Post a Comment