Tuesday, May 23, 2023

శివోహం

స్వేచ్ఛగా విహరించే
నా ఊహల ప్రపంచంలో
నీ పాద రేణువునై 
ఇసుమంత గర్వించా
నిత్య ఘోషయైన
నా అంతరంగ సాగరాన
ఆటుపోటుల మయమై
అనుదినము కృశించా
భౌతికంగా నేను
అవధులలో చరించినా
భావ విశృంఖల ప్రవాహాన
అనంతమై శోభించా 
ఎల్లలు లేని నా భక్తి ప్రేమ తత్వాన
నీ విలాసాన్ని కనుగొన్నానని హర్షించా
నీ దయా ప్రబోధాన నను శాసించే 
నీ చూపుల గని పరవశమై తరించా...
ఓం శివోహం...సర్వం శివమయం.

No comments:

Post a Comment

ప్రసన్న వదనం

 లంగా ఓణీ  వేసుకున్న అచ్చ తెలుగమ్మాయి... కాటుక సొగసుల మాటున కలువల్లాంటి తన కళ్ళు... దోరతనం పూసుకున్న దొండపండు లాంటి తన పెదాలు... చక్కిలి గిం...