శివోహం

శివా ! నీవు తిరగడానికి  నా జన్మల కర్మల ముసలి ఎద్దు 

నీవు నా అహంపై గుచ్చడానికి ఓ త్రిశూలం 

నీవు కూర్చోడానికి ఓ పులి తోలు ఆసనం  

నీకు మెడలో అలంకారానికి మా కోర్కెల వలె బుసలు కొట్టే నాగులు 

నీ పుర్రె గిన్నె, నీ నుదిట నా  అహం భస్మపూత 

నీవు నా  కోర్కెలు తెగ నరకడానికి గండ్ర గొడ్డలి 

నీవు నా  ఆరుగురు శత్రువులపై గురి పెట్టె ధనుర్భాణములు 

శివ శివ ఇవి చాలు అయ్యా నీకు 

నీ ఒంటికి, నీ వంటకి, నీ సామను ఇంతే 

ఆనంద రూపుడివై నాలో నిలిచి పోగలవు 

నీవు ఒక అర్ధం కానీ సత్యానివి 

నీవు ఒక శూన్య శేషానివి 

శివా ! నీ దయ