తనువు తగలడిపోతే తళుకు బెళుకులు కాలంలో కలిసిపోతాయి...
వైరాగ్యం గుండెల్లో నిను నింపుకుని నిదానంగా నడిస్తే
అదే కాలంలో పది కాలాల పాటు నిలిచిపోతాను...
ఈ రెండింటికి నడుమ మనసు తలరాతకు అడ్డువచ్చి నా నడకను ఎగుడుదిగుడుగా నడిపిస్తుంది...
మరి ఏదీ నీ దయ శివా...
శంభో ! నీ ధర్మకాటా లో నా పాపపుణ్యాలు కాస్త అటూ ఇటూ అయినా నన్ను వదిలేయకు తండ్రీ... మహాదేవా శంభో శరణు
బాహ్యంలో నా నేను ఊరేగుతూ... అంతరంలో నా నేను కు దూరమై... ఎటూ చేరలేని అవస్థలు, తీరని బాధలు... నన్ను ఓ దరికి చేర్చవా పరమేశ్వరా.. మహాదేవా శంభో...
No comments:
Post a Comment