శివోహం

శివా!తెలియక వేసేను కోర్కెల విత్తు

దానికి కలిగేను విషయ వాసనల పొత్తు

కూడి చేస్తున్నాయి నా బ్రతుకు చిత్తు

మహేశా . . . . . . శరణు.

శివోహం

శంభో...

అమ్మనాన్నలా కన్నా బిడ్డల...

సుఖము కోరుకునే వారెవ్వారు...

మేలు చేసే వారెవ్వారు...

రక్షణ ఇచ్చేవారెవ్వారు...

అందుకే నా రక్ష నువ్వే ....

నా రక్షణ నువ్వే ...

నన్ను కాచేవాడివి నువ్వే ...

నన్ను బ్రోచేవాడివి నువ్వే ...

మహాదేవా శంభో శరణు.

సర్వేశ్వరా శరణు.

శివోహం

సత్యం శివం సుందరం...

సత్యం అంటే శాశ్వతం...

శివం అంటే  జ్ఞానం...

సుందరం అంటే ఆనంతమైన ఆనందం...

అదే పరమానందం...

ఓం శివోహం... సర్వం శివమయం.

శివోహం

భగవానునిపట్ల అమితమైన ప్రేమే భక్తి...

భగవానుని దివ్యలీలలయందు,మహిమలయందు, గుణగానంలయందు,నామసంకీర్తనలయందు దైవవిషయాలు శ్రవణమందు మనస్సును లగ్నం చేయుటయే భక్తి....

భక్తి ప్రాప్తించుటకు విద్య యొక్క ఆవశ్యకత లేదు...

ఉన్నత వర్ణాశ్రమములు అవసరం లేదు....

ధనం అవసరం లేదు....

వేదాధ్యయనం, తపస్సులు అక్కరలేదు....

అపారమైన విశ్వాసముతో నిరంతరం భగవంతున్ని స్మరిస్తే చాలు.

ఓం శివోహం... సర్వం శివమయం

శివోహం

శివా!క్షేత్రము చత్రము నీవే

మననమున నామ మంత్రములూ నీవే

తుదకు నువ్వు.,నేనూ...నీవే

మహేశా . . . . . శరణు .

శివోహం

శంభో...

నా కళ్ళను కప్పిన అహంకార మమకార మాయా మోహ పొరలు తొలగించు...

నీపై బుద్దిని...

నీ కథలను శ్రవణం చేసే చెవులను...

నిన్ను మాత్రమే స్తుతించే నోరును...

నీ దివ్యరూపాన్ని తిలకించేందుకు యోగ్యమైన కన్నుల చిత్తశుద్ధిని నాకు అనుగ్రహించు...

నీవు దయతో ఇచ్చిన నా ఈ జన్మకు నీవే విలువ కట్టి నీ సన్నిధిలో ఉంచుకో...

మహాదేవా శంభో శరణు...

సర్వేశ్వరా శరణు.

శివోహం

 శివా!బయటకి వస్తే చూద్దామని  నేను

లోపలకి వస్తే కనబడదామని నీవు

ఎదురు చూపులే ఇద్దరివీ

మహేశా . . . . . శరణు .

 శివా!నీ గుడిలో దీపంగా నన్ను వెలగనీ

నా గుండెల్లో దీపంగా నిన్ను తెలియనీ 

ఆ వెలుగు బాటలో నే గమ్యం చేరనీ

మహేశా .....శరణు.

 శివా!ఈ జీవిని నీ ముందు నిలిపినా

పశువునని ఏ మందను కలిపినా

అది నా భవరోగానికి మందే

మహేశా . . . . . శరణు .

శివా!అసమానతలన్ని ఆవిరైపోగా

భేదములన్ని బూడిదైపోగా

చేర వచ్చేవా నన్ను నీలో చేర్చుకొనగ

మహేశా . . . . . శరణు .

శివా!గుడిలోన నిన్ను చూసి

గుండెలో చూడాలని తపిస్తున్నా

తపన తెలిసిన నీవు తెలియరావా

మహేశా . . . . . శరణు

 శివా!విలాసమెరుగని నీ విలాసము

ఈ విశ్వమెరిగిన ఆ కైలాసము

అది తెలిసిన ,తలచిన ప్రమోదము

మహేశా . . . . . శరణు .

 శివా!నీ దండయాత్ర దండించడానికా

దరి చేర్చుకోవడానికా దేనికైనా

అగ్ని కన్ను చాలు ఆయుధమేల

మహేశా . . . . . శరణు .

 శివా!నమః శివాయ నమః శివాయ అంటున్నా

నకార మకార మమకారం తొలగించమంటున్నా

తొలగించవయ్యా నన్ను కరుణించవయ్యా

మహేశా   . . . శరణు .