శివోహం

ఆది నువ్వే...

అంతం నువ్వే..

జననం నువ్వే...

మరణమూ నువ్వే...

నా ఆత్మలో కొలువుదీరిన

ఆ పరమాత్మవూ నువ్వే...

నా దైవం నువ్వే....

నా ధ్యానం నువ్వే...

నా ప్రపంచమూ నువ్వే...

నా సమస్తమూ నువ్వే...

ఈ జీవన పయనంలో అడుగడునా నాకు నువ్వే పరమేశ్వరా...

మహాదేవా శంభో శరణు.

శివోహం

ప్రాణమంటే జీవులు బ్రతకడానికి కావాల్సిన చైతన్యశక్తి...

అంటే శ్వాసతో కలిసిన చైతన్యం ప్రాణం....

పంచ ప్రాణాలు, పంచ ఉప ప్రాణాలు కలిపి దశవిధ ప్రాణాలు లేదా వాయువులని చెప్తుంటారు.... ప్రాణాయామంలో కుంభకం వల్ల శరీరంలో నాడులన్నీ వాయువుచే పూరించబడి, ఈ దశవిధ వాయువుల యొక్క చలనం వేగవంతమై, తద్వారా హృదయ కమలం వికసిస్తుంది....

ఓం శివోహం... సర్వం శివమయం

శివోహం

స్నేహము చేసుకొనుట సులభము కాదు...

కానీ దానిని భరించుట చాలా కష్టము...

కారణము మనసే...

ఈ మనసు కోతి వంటిది...

ఈ క్షణము ఈ కొమ్మ మీదయితే మరుక్షణము ఇంకొక కొమ్మ మీద...

ఎన్ని చెట్లు చుట్టుకొస్తుందో తనకే తెలియదు...

కావున మనసు మీద మనకు పట్టు వుండవలెను...

స్నేహితము చేయుటకు వ్యక్తీ యోగ్యత పరిశీలించడము అత్యవసరము...

స్నేహము చేసిన తరువాత మాత్రము దానిని ఎట్టి పరిస్థితిలోనూ కాపాడుకొనవలసినదే కానీ చిన్న చిన్న పోరపొచ్చాలతో దూరము కాకూడదు. మనసును నియంత్రించుకొనుట మనిషికి మిక్కిలి అవసరము.

ఓం శివోహం... సర్వం శివమయం.

శివోహం

ఎద్దు వాహనమెక్కి ఏడేడు లోకాలు ఎట్టాగ తిరిగావు శివ...

ఎట్టాగ కుదిరేను నీకు...

మాకు ఎరుక కాకున్నాది...

ఏమేమి చూసావో...

నీవు ఏమేమి చేసావో కానీ...

ఏడ చూసిన నీవే...

ఏమి చేసిన నీవే...

మహాదేవా శంభో శరణు.

శివోహం

చరాచర ప్రపంచమంతా ఒక పిచ్చాసుపత్రి లాంటిది...

ఇక్కడ జీవులన్నీ  పిచ్చివారే...

ఒకరికి అన్నమంటే పిచ్చి...

ఒకరికి   కన్నమేయడమంటే పిచ్చి...

ఒకరికి భక్తియంటే  పిచ్చి...

ఒకరికి  మత్తు అంటే పిచ్చి..

ఒకరికి  కాంతలంటే పిచ్చి...

ఒకరికి   కనకమంటే పిచ్చి...

ఒకరికి  ఆటలంటే పిచ్చి...

ఒకరికి పాటలంటే పిచ్చి...

వైద్యుడే సద్గురువు సేవచేసేవారే బంధువులు ఎవరిపిచ్చి వారికీ ఆనందం వెర్రిముదిరి గంగ వెఱ్ఱిలెత్తినపుడే వెర్రిమర్రి వేదాంత విద్య తెలియు...

వెఱ్ఱిలేనివాడు వేదాంతి కాడయా వెర్రివెంగళరాయ ప్రసాదయ్యా...

ఓం శివోహం... సర్వం శివమయం.

శివోహం

నారసింహ స్వామీ...

నీ సాక్షాత్కారము సకల పాప హరణం...

నీ దర్శనం భవరోగ నివారణం...

నీ స్మరణం పూజనం ,సేవనం , జన్మ జన్మల పుణ్యఫలం...

శ్రీమన్నారాయణ భయంకర మహోగ్ర లక్ష్మీ నరసింహ నీవే శరణు.

శివోహం

జీవితమంటేనే సుఖదుఃఖాల సంగమం....

బంధాలు అనుబంధాలు, ఆత్మీయతలు, ఆనందకర అనుభూతులతో పాటు...

ఎన్నెన్నో అవరోధాలు, అవహేళనలు, ఆవేదనలతో కూడిన ప్రయాణమే జీవితం....

అందరి జీవితగమనంలో ఎత్తుపల్లాలు సహజం.... వాటినుంచి పాఠాన్ని నేర్చుకుంటూ ముందుకు సాగితేనే గమ్యం చేరుకోగలం...

ఓం శివోహం... సర్వం శివమయం