శివోహం

మంచి చెడ్డలు మనిషికి చెందినవి కావు

మనసుకు చెందినవి...

వాల్మీకి, భక్తకన్నప్ప మొదలగు వారు చెడునుండి

మంచిగా మారినవారే..

మారినవారు మరల మారలేదు...

కాని నేను మాత్రం నా అవసరాలకు మంచి చెడుల నడుమ నలిగిపోతున్నా...

నన్ను ఏదారిలో నడుపుతావో మణికంఠ అంత నీ దయనే...

ఓం శ్రీ స్వామియే శరణం అయ్యప్ప.

ఓం శివోహం... సర్వం శివమయం

శివోహం

గమనించనే లేదు శివ...

యుగాలెన్నింటిని దాటేసానో...

కనులారా నిను చూడలేకున్న...

చలించారా నీ మొద్దు నిద్దురా...

ఇక ముగించారా మళ్ళీ మళ్ళీ ఏ తల్లి గర్భంలోకి పంపిచక...

నీ గుండె గూటిలో దాచుకో తండ్రి...

మహాదేవా శంభో శరణు.

శివోహం

హరిహారపుత్ర అయ్యప్ప...

మా మనుగడకు రక్షణ కవచంలా సూర్య చంద్ర భూమి ఆకాశ జల అగ్నివాయు అవకాశాల సమకూర్చి...

ఈ ప్రాణికోటికి నీవు కన్న తండ్రి వలె రక్షణగా  నిలుస్తున్నావు అయ్యప్ప...

ఏమిచ్చి ఋణం తీర్చుకొన గలం స్వామీ... అనుదినం...

కృతజ్ఞతతో అంజలి ఘటించడం తప్ప....

శబరిగిరి నివాస అయ్యప్ప మా దేవా శరణు.

మహాదేవా శంభో శరణు....

ఓం నమో నారాయణ.

శివోహం

కామక్రోధమదమాత్సర్యాలు వెంటాడు తున్నాయయ్యా  

నిన్నే శరణ మంటూ పార్ధిస్తున్నామయ్యా...

అజ్ఞానంకు తోడు భయమేదో కలుగుతుందయ్య...

నా భయాలన్నీ తొలగించి ధైర్యం చెప్పవయ్యా...

పాపాలు పొలంలో మృగాల్లా నాలో చేరి

పుణ్యమనే పంట నాశనం చేసి చేస్తున్నదయ్య యజమాని నీవై తరిమిగొట్టాలయ్య...

మహాదేవా శంభో శరణు.

శివోహం

ఈ జీవితం అంతులేనిదీ అంతుతేల్చలేనిది...

ఉదయ సంధ్య ఎడారులలో సాగిపోతుంటది...

ఎండమావి ఆశల వెంట పరుగుబెట్టిస్తది...

నల్లేరు ఎడారులలో తింపుతూనె ఉంటది....

జరిగేదంత నీ మాయ అనే తెలుసు స్వామి నీవు ఆడే ఆటలో అడలేకున్నాం...

హరిహారపుత్ర అయ్యప్ప శరణం.

ఓం శివోహం... సర్వం శివమయం.

శివోహం

శివ...

నా మరణం ఏ భావాన్ని గ్రహించినదో ఏ తత్త్వాన్ని తలచినదో ఏ రూపాన్ని ఊహించినదో ఏ నాదాన్ని స్వరించినదో కానీ...

శాశ్వతమై శూన్యమై ఉదయంలా ఉద్భవించాలని ఉంది...

మహదేవా శంభో శరణు.

శివోహం

చేతికి సంకెళ్లు వేసీ...

పాప పుణ్యాలు చేయిస్తుంటావు 

మనస్సుకు శాంతి కల్పించకా...

మమ్ము ఆడిస్తూ ఉంటావు...

చలి కల్పించీ, సుఖం ఇచ్చేటి వేడితో కల్వ మంటావు...

సంసార పోషణకూ సంపద కొరకూ తిప్పు తుంటావు...

భోగవిరాగముల చుట్టూ తిప్పి సంతోష పడతావు...

ఒక్కరి కష్టంతో, కొందరి ప్రాణాల్ని రక్షించ మంటావు...

మంచో చెడో, తెల్సుకునే శక్తి ఇవ్వక మాయ చేస్తావు...

ఇష్టాల్ని కష్టాలుగా కష్టాల్ని ఇష్టాలుగా మారుస్తావు...

ఐనా నీవేగతి మాకు వేరు దారి లేదు...

మహాదేవా శంభో శరణు.