శివోహం

శివా!నీ సంకల్పం వలన నేను తెలిసాను

నా సంకల్పం వలన కర్మలు చేసాను

నా కర్మలన్ని కాలి  సంకల్పాలు ముగియనీ

మహేశా . . . . . శరణు

శివోహం

శాశ్వతమైన

ఆనందకరమైన

భుక్తి ముక్తిదాయకూడా

సకల పాప దుఃఖహరణ

దురిత నివారణము  ఓ పరమేశ్వరు నా చిత్తం నీ పై ఉండేలా  ...

నామరూప గుణ వైభవ స్మరణ లో నా జీవితాన్ని ధన్యత చేయవయ్య హర...

నీ కమలాలదివ్య దర్శన వైభవాన్ని అనుభవిస్తూ నీ పాదాల చెంత ముక్తిని పొందే భక్తి మార్గాన్ని దివ్యమైన ఆ యోగాన్ని అనుగ్రహించు...

మహాదేవా శంభో శరణు.

శివోహం

శివ,

నువ్వు అందరిలా కాదు...

రావటం ఆలస్యం చేయవు...

లోపం నాలోనే

నా పిలుపులో

నా తలపులో

నా ఆర్తిలో

నా సేవలో

నా భక్తిలో

లోపమే

కన్నీటితో నిన్ను కొలిస్తే కరగని కఠిన హృదయం కాదు నీది

తపము చేసిన అసూరులకే లెక్కలేనన్ని వరాలు ఒసగావు

నిన్నే నమ్మి కొలిస్తే నీవు నా గుండె గుడిలో

వచ్చి చేరవా.

మహాదేవా శంభో శరణు.

శివోహం

చెంప తడిని ఇంపుగా హత్తుకుంటూ ఆవేదన ఆరాధన అవుతుంది...

అన్యమేరగని నాకు నీవు తప్ప ఎవరున్నారు ఆవేదన నీకు నివేదన గా సమర్పిస్తున్నా.

శివ నీ దయ.

శివోహం

శివా!ఓంకారానికి రూపమై

సాకారానికి సాక్ష్యమై

అరూపరూపిగా అగుపించు చున్నావు

మహేశా . . . . . శరణు .

శివోహం

నీ జీవితం ఎంత మందితో, ఎన్నెన్నో సంబంధ బాంధవ్యాల తో ముడిపడి ఉన్నా నీ మనసు పుస్తకంలో భగవంతుడు సృష్టించిన ఒక పేజీ నీకంటూ నీకోసం ఖాళీ గా ఎదురు చూస్తూనే ఉంటుంది...

"నువ్వు ఏమి రాస్తావో అని" అది సంతోషమో, దుఃఖమో, త్యాగమో, దైవమో, మోక్షమో....

ఇంకెందుకు ఆలస్యం పూరించు...

బహుశా ఆ ఖాళీ పేజీ యే నీ ఆత్మ కావచ్చు.

ఓం శివోహం... సర్వం శివమయం.

శివోహం

శివ,

నీ పాదకుసుమవ్వాలనే కామాన్నిన్కలగనివ్వు...

నిన్ను చేరక పలుతావుల తిరిగే మనసు పై క్రోధాన్ని పెరగనివ్వు...

నిరంతరం నిన్ను నా కనులారా చూడాలనే మోహాన్ని  నిలువనివ్వు...

నీవు నా స్వామివనే లోభాన్ని వుండనివ్వు...

నా ఆర్తిని వేడుక తో చూసే నీపై నన్ను నీ దరికి చేర్చుకోలేదనే మాత్సర్యాన్నీ కలగనివ్వు...

నువ్వు  కల్పించిన ఈ అరిషడ్వర్గాల పాషాలనుబ్నీ దరికి చేర్చే  ప్రణవమార్గాలుగా  మారనివ్వు.

మహాదేవా శంభో శరణు.