శివోహం

గడబిడ మనమున గుండెలో అలజడి కలుగుతుంది పరమేశ్వరా...

నీవే నాకు కొండంత అండగా ఉండి...

నన్ను కాపాడగారావా...

మహాదేవా శంభో శరణు....

శివోహం

శివా!ఎనుబోతు పయనంబు ఎన్నాళ్ళు

నా కామ్యాశ్వము నీకు అర్పిస్తా

విశ్వమంత హాయిగా విహరించవయ్యా

మహేశా . . . . . శరణు .

శివోహం

శివా!బంధాలు అన్ని దేహానికి

ఆనందాలన్నీ ఆత్మకి అయితే

ఆత్మానంద అనూభూతి అందనీ

మహేశా . . . . . శరణు .

శివోహం

శివ అను రెండక్షరములే మహా మంత్రము...

శివ పాదారవిందమే అనన్య శరణ్యమని నమ్మి సదా ఉపాసించుచున్న దాని కంటే వేరొక భాగ్యవంతుడులేడు.

అతడే ధన్యుడు, కృతార్ధుడు.

ఓం శివోహం... సర్వం శివమయం.

ఓం పరమాత్మనే నమః

శివోహం

శివా!నా తపన నా తపస్సు

శాపానుగ్రహ సామర్ధ్యం కోసం కాదు

సామీప్య, సారూప్యం, సాయుజ్యం కోసం

మహేశా . . . . . శరణు .

శివోహం

నాది అన్నది ఏదీ లేదిక్కడ..

ఎవరో కష్టపడి చేసినవాటితో,

నాకు జన్మ ఇచ్చినవారితో

నాకు ఇచ్చిన వాటితో బ్రతుకుతూ

పరమాత్మ ఇచ్చిన బుద్ధితో 

జీవితాన్ని కొనసాగిస్తున్నాను తప్ప

నేనంటూ చేసింది ఏదీ లేదు.

సమయానికి అంది వస్తున్నాయి

కొన్ని నేను అందుకున్నట్లు కనిపిస్తున్నాయి

నిజానికి నన్ను ఇక్కడికి పంపించిన 

పరమాత్మే అన్ని ఇస్తున్నాడు నాచేత చేయిస్తున్నాడు

నేను చేయలేనివాటిని, 

నాకు అవసరమైన వాటిని అందిస్తున్నాడు.

ఓ శక్తి బుద్దిని ప్రేరేపిస్తుంది. దేహం సహకరిస్తుంది.

బుద్ది దేహం మందగించిన నాడు

సర్వం ఈశ్వరం.

శూన్యంలో లయం.

ఓం శివోహం... సర్వం శివమయం

శివోహం

భగవంతుడు చైతన్యపు లోతుల్లో మౌనంగా ఉంటాడు. భక్తుడు కూడా అదే స్థితిలో ఉంటేనే భక్తుడు ఆయనతో కలసి ఆత్మానందుడవుతాడు. దీనినే భగవదనుగ్రహం అంటారు.

మౌనంలోనే యదార్థం ఇవ్వడం, పుచ్చుకొనడం జరుగుతుంది

-మెహెర్‌ బాబా