గోవిందా

ఏమయ్యా వేంకటేశా ఏమిటి నీ లీల

చాలించుము నీ హేల వినవయ్యా మా గోల

భోగ మూర్తివి నీవు భోగాలకు కొదవలేదు

దిగులు దిగులుగున్నాము దిక్కు తోచకున్నాము

దిగులంతా మాకేలే నీ దర్శనమే కరువాయై

ఏమి నీ దరహాసము ఎందలకీ పరిహాసము

నీ సేవల కొరతలేదు మాకే ఈ వెలితంతా

ఎగబడి వస్తున్నారు సుర ముని సందోహం

లోపమేమిటో మాకు రూపు తెలియకుంది

శాపమేదో.. శోకంగా మారినట్టు ఉంది

ఏడు కొండలెడబాటు  ఏమిటి మా గ్రహపాటు

ఏ సేవలు చేయలేక నీ సేవలు చూడలేకా

విరహంతో మేము  విలయాన  మునిగేము

ఈ విలయానికి నీవే వరమునిచ్చినావ

ఆనంద నిలయాన అడుగు పెట్టి నిన్ను చూసి

పరవశాన కనులు మూసి ఎదలోన నిన్ను తలచి

కులశేఖర గడప చేరి కోర్కెలన్ని మరువనీ

అనుభవాల మాటకేమి అనుభూతిని పొందనీయి