శివోహం

తండ్రీ

నా అవివేకం

ఎంత గొప్పదో కదా 

ఇంతటి రక్షణ ఒదిలి

రక రకాల

ఉపాధుల యందు చరిస్తూ

ఎంతలా

ఆందోళన పొందుతున్నానో

నా జ్ఞానం

ఎంత గొప్ప అజ్ఞానమో

చూడు

అమృత తుల్యమైన

నీ వాత్సల్యం విడిచి

సాటి ఉపాధుల

ఆదరణకై వెంపర్లాడు తున్నాను

నా మూర్ఖత్వం

ఎంత ఉన్నతమో

చూడు

ఆర్తి తో జనించిన

కన్నీటికి పొంగిపోయే నిన్ను

ఎలా పొందలో తెలియక

నానా రకాలుగా

యాష్ట పడుతున్నాను 

ఆ క్షణం మళ్ళీ నాకు ప్రసాదించు

అవివేకాన్ని తొలగించు

పశుపతీ

మూర్ఖులైన బిడ్డలను కూడా

అక్కున చేర్చుకునే తండ్రివి నీవే

శివయ్యా నీవే దిక్కయ్యా