శివోహం

తలచుకొన్న కొద్దీ పెరిగే ఇష్టం
ఎంత ఆస్వాదించినా ఇంకా.... ఇంకా....అనిపించేంత ఇష్టం
నీతో నువ్వున్నప్పుడు నీతోనే నేనున్నానంటూ
నిను తడిమే పలకరింపే నీకిష్టమైన జ్ఞాపకం!!
ఎప్పటికీ పాతది కాకుండా ఎప్పుడూ కొత్తగానే...
ఎప్పటికీ కావాలనిపించేదే ఇష్టమైన జ్ఞాపకం!!
ఎద తలుపులు తెరిస్తే...ఏకాంతంలో నీ చెలిమి !!
నీలోనుంచి జాలువారే జ్ఞాపకాల దొంతరలే!!నీ నేస్తాలు !!
నీ ఆనందం, నీ ఆహ్లాదం, నీ ఇష్టం, నీ అయిష్టం నీ జ్ఞాపకాలే!!
ఎప్పటికీ మదిలో ఉండిపోయే ఇష్టమైన జ్ఞాపకానికి
మరణం ఉందంటారా!!