దేదీప్యమానమైన
దివ్య ప్రకాశాన్ని
దేహీభూతమైన
దేహం దర్శిస్తూనే ఉంటుంది ...
శివోహం శివోహం
"నేను" కాలితేనే
"తాను" కనిపిస్తాడు
"నేను" కు "మేనులు"
దొరికితే దహనాలు తప్పవు
దహనాల దేహాలలో సందేహాలు
దహనం అయ్యే కొలదీ తేజం
దేదీప్యమానంగా వెలుగొంది
ఆదిదేవుడు పరమశివుని ఒడిని
చేరు తీరు దగ్గర అవుతోంది
పరమేశ్వరా! నీ దయ ఎట్లున్నది
నా నేను ల మేనులు ఏకమై నిను
చేరే దారి చూపరాదా! పరమేశ్వరా
ఓం శివాయ నమః శివాయై నమః
శివప్పా
నీ కైలాసం చేరాలంటే ...
అశ్వమేధ
యాగాలను చేయలా ...
తెలియచేయి తండ్రీ
తాత్పర్యం తిరిగేసి వ్రాయి మహాదేవ ...
శివోహం శివోహం
"పరి" త్యాగం నేను చేయగలనా?
పరమేశ్వరా! కైలాసం చేరేందుకు
సాధన
తండ్రి శివప్ప
నైవేద్యం వంటిది ...
శివోహం శివోహం
ఊపిరి ఊయలలో
అటుపోటులు తప్పవు
తెలిసి చేసిన తెలియక చేసినా
మంచి పునాది వేసే దారి
వెదకకుండా! నింద దైవం
పై వేసి, నిష్టూరం ఆడకుండా
కర్మ ఫలాలను అనుభవించి
పాప క్షయం చేసుకుని నూతన
జీవిత సోపానాలు వేసుకునే
దారి చూపించు దక్షిణామూర్తి
ఓం శివాయ నమః శివాయై నమః
నీ నామ గానమే సుమధురం
పరమేశ్వరా! నీ వదనమే ఆనంద
మందారం మల్లికార్జునా!
వెదజల్లేను విరూపాక్షా! ఈశ్వరా
ఓం శివాయ నమః శివాయై నమః
శివప్పా
ఈ దేహానికి
బయటా దుర్గంధమే
లోపలా దుర్గంధమే ...
నీదైన భస్మ
సుగంధ సుపరిమలాల సౌరభాలు ...
మేనును తాకనే లేదు
మది పులకరించనే లేదు ...
శివోహం శివోహం
బంధువులు బంధాలు మిగిలిన
రూకల నూకలు గురించి తగవులాడి
చివరి ప్రయాణం కూడా ప్రశాంతత
లేని తీరుగ కట్టెకు కాటికి కూడా
ధర కట్టి కలియుగంలో ధర్మం లేదని
ఋజువులు చేస్తున్న రోజులివి శంకరా
చివరి క్షణాల వేదనలో నీవే తోడుగా
నిలిచి జీవాత్మకు ప్రశాంతత కలిగించే
పని చాలా మిగిలిపోతుంది సర్వేశ్వరా
No comments:
Post a Comment