శివోహం

శివా!తీర్దరాజాన్ని నే చేరలేకున్నా

అవిముక్త క్షేత్రాన అడుగు పెట్టాను

ఆధ్యంత రహితా నిన్న తెలియ వచ్చాను

మహేశా . . . . . శరణు.

శివా!నీ చెంత నేనెపుడూ బాలుడినే

జగమంత ఎరుగగ నీ సుతుడనే

నీ తత్వాన నేను వారసుడినే

మహేశా . . . . . శరణు .

శివా!నిప్పు కంట చూడు చల్లగా 

భక్తి జ్ఞాన కుసుమం విచ్చగా

అందున్న పరిమళాలు విరియగా

మహేశా. . . . . శరణు.

శివా!పెక్కు విధముల నీవు పక్కనున్నా

దక్కలేదు ఏనాడూ ఈ నా కంటికి

దిక్కు తొచక నాకు దిక్కు నీవని అంటిని

మహేశా . . . . . శరణు .

శివా!ప్రాణదీపమై ప్రభవించేవు

జ్ఞాన జ్యోతిగా తెలిసేవు

ఆ వెలుగున జ్ఞానం పంచేవు

మహేశా . . . . . శరణు .

శివా!స్పురణ స్మరణగా సాగనీ

స్మరణ శ్వాసకు తోడు నిలువనీ

పదము నెరిగి నీ పదము చేరనీ

మహేశా . . . . . శరణు.

శివా!నుదిటిని నామం మెరుస్తోంది

నోటిలో నామం నానుతోంది

తరియించే మార్గాన్ని తెలుపుతోంది

మహేశా . . . . . శరణు .

శివా!మహా స్మశానాన్ని చేరుకున్నాను

మనో స్మశానాన్ని కోరుతున్నాను

మన్నించి నన్ను మనుపుమయ్యా

మహేశా . . .. . శరణు .

శివా!నవ ద్వారములు నిత్యం తెరచివున్నా

ఈ పంజరాన పిట్ట పారిపోదెందుకో

ఇది ఏమి మ‌ర్మమో ఎరుకకాదు

మహేశా . . . . .శరణు .

శివా!ఆది భిక్షువని అడగవచ్చాను

జ్ఞాన భిక్షను కోరి జోలి పట్టాను

జోలి నిండగ నీవు భిక్ష పెట్టు .

మహేశా . . . . . శరణు .

శివా!ఏటికో శివరాత్రి అంటారు అందరూ

జన్మకో శివరాత్రి అంటాను నేను

ఆ జన్మ ఈ జన్మగా ముగిసిపోనీ

మహేశా . . . . . శరణు.

శివా!నాలోని జ్ఞాతులు ఒకటిగ కూడి

జగడమాడు చుంటిరి నన్ను ఒంటిగ జేసి

జాలి చూపుమా నాతో జత కూడుమా

మహేశా . . . . . శరణు .

శివా!కనిపించే కన్నులు మూసి ఉంచనీ

కనిపించని కన్ను తెరిచి చూడనీ

నేను,నీవేనని తెలియనీ....

మహేశా . . . . . శరణు

శివా!నిన్ను ఆలింగనము చేయు తరుణాన 

అమృత తుల్యమాయె ఆనందాశృవులు

ఆ ఆశృవులు ఋచి మారె ఒక వింతగా

మహేశా . . . . . శరణు .

శివా!కన్నెరుగని కైలాసాన వాసమున్నావు

కన్నెరిగిన కైలాసం కాశీ అన్నావు

కన్నెరిగిన నిన్ను కన్నుమించి తెలిసేదెలా

మహేశా . . . . . శరణు.

శివా!చిటపటలాడే ఈ చితి మంటలు

జ్వాలా తోరణపు కాంతులు తలపించె

తొలగించవయ్యా తోరణపు తగువు

మహేశా . . . . . శరణు .

శివా!చిటపటలాడే ఈ చితి మంటలు

జ్వాలా తోరణపు కాంతులు తలపించె

తొలగించవయ్యా తోరణపు తగువు

మహేశా . . . . . శరణు .

శివా!కరచరణాదుల కానరావు

తేజో రూపమున తెలియరావు

మేధోమథనమున గాని వెలికిరావు

మహేశా . . . . . శరణు .

శివా!తపముతో తరియించు గతినెరుగ

తపన పడుతున్నాను తపమెరుగ

తెలియనీ తపము కూడి నీ జపము

మహేశా . . . . . శరణు .

శివా!తపముతో తరియించు గతినెరుగ

తపన పడుతున్నాను తపమెరుగ

తెలియనీ తపము కూడి నీ జపము

మహేశా . . . . . శరణు .

శివా!వాసమెరుగ వచ్చాను వారణాసి

జపము చేయ తలచాను జాము మరచి

స్మరణ చేయ తలచాను శరణు జొచ్చి

మహేశా . . . . . శరణు .

శివా!వాసమెరుగ వచ్చాను వారణాసి

జపము చేయ తలచాను జాము మరచి

స్మరణ చేయ తలచాను శరణు జొచ్చి

మహేశా . . . . . శరణు .

శివా!సర్వేశ్వరా శరణంటిరా

పరమేశ్వరా పరమీయరా

విశ్వేశ్వరా వరమీయరా

మహేశా . . . . . శరణు .

శివా!నీవు సదా నన్ను సాక మరిసేనులే

మొరలు విన్నావని తెలుసుకున్నానులే

తెలివి కన్ను తెరిపించమన్నానులే

మహేశా . . . . . శరణు .

శివా!ఒదిగిపోవగ నన్ను వొడిసి పట్టేవు

కాలిపోవగ నా కర్మలు కన్ను తెరిచేవు

వెలిగిపోవగ నన్ను నీ తేజాన కలిపేవు

మహేశా . . . . . శరణు .