శివోహం

ఎవరిని అంటే ఎవరు ఊరుకుంటారు తండ్రి...

నాగోడు నీకుగాక ఇంకెవరికి చెప్పుకోవాలి

సంపదలు ఇచ్చేది నీవే కాదనను

కానీ కష్టాలు కూడా నీవే ఇస్తున్నావు

సుఖపడిన రోజులు మరచి

బాధలలో నిన్ను నిందిస్తున్నాను నన్ను మన్నించు శివా...

మహాదేవా శంభో శరణు...

శివోహం

సిత్రాలు సేసేడు నిత్యగంగాధరుడు

పంచభూతాలలో ఎప్పుడూ సేదతీరుతూనే ఉంటాడు...

ఉన్నోడయినా లేనోడయినా చివరకు చేరేది ఆయన పాదాల చెంతకే...

అందుకే ఉన్నన్నాళ్ళు పంచాక్షరీ మంత్రంతో ఓం నమః శివాయ  అని జపించండి అవ్యయ మోక్షము పొందండి...

ఓం శివోహం... సర్వం శివమయం

శివోహం

శంభో...

నేను నిన్ను నా గుండెల్లో నింపుకొన్నప్పుడు

కైలాసంలో కట్రాడు దగ్గర కాస్తంత

చోటీయలేవా...

బంధాలు బాంధవ్యాలు తరిమేస్తున్నాయి అలసిపోతున్నాను.

నన్ను ఆదుకోవాగా రాలేవా...

మంద బుద్ధి కలిగిన ఈ పశువును కట్టిపడేయవా శివ...

మహాదేవా శంభో శరణు...

శివోహం

తీవ్ర  వైరాగ్యం  మోక్షానికి ప్రథమ కారణం

జ్ఞానం  ఎలా  వస్తుందంటే  శ్రవణ,  మనన,  నిదిధ్యాసనాల  ద్వారా  వస్తుంది.  ప్రాపంచిక  విషయచింతన  లేకుండా  వైరాగ్యం  సహాయం  చేస్తుంది.  మరి  ఆత్మ  చింతన  ఎలా  కలుగుతుందంటే  ముందు  దాని  గురించి  వినాలి.  దాని  గురుంచి  వినకుండా  దానిని  చింతించలేవు  కదా!  దానిగురించి  వింటే  నీకు  మననం  చేయబుద్ధి  పుడుతుంది.  మననం  చేయగా  చేయగా  నీకు  దాని  మీద  ధ్యాస  కలుగుతుంది.  అప్పుడా  ధ్యాసే  ధ్యానం  క్రింద  మారిపోతుంది.

శివోహం

శివోహం

శంభో!!! నీ రూపం

నీ నామ స్మరణ లో ఏదో అద్భుతం దాగివుందయ్యా....

ఎంత బాధ వచ్చిన, కష్టం వచ్చిన మనసారా శంభో మహాదేవా అని నిను పిలిస్తే చాలు...

కరుణించి వెనువెంటనే కాపాడతావు...

ఎటువంటి సమస్యకైనా, నీ నామ స్మరణేనయ్యా నాకు దివ్య మంగళ ఔషదం...

మహాదేవా శంభో శరణు...

శివోహం

గర్వము.

ప్రతి మనిషికి గర్వం రావటానికి అనేక కారణాలుంటాయి

సామాన్యంగా ఐశ్వర్యమో, పాండిత్యంతో, అధికారమో గర్వానికి కారణాలవుతాయి

కానీ ఈ గర్వమే తన శత్రువని మనిషి గ్రహించాలి. 

ఎందు కంటే దాని మూలంగ అతనికి మున్ముందు అనర్ధం జరుగుతుంది.

అంతకంటే ఎక్కువగా గర్విష్ఠియైన మనిషి తప్పుడు పనులు చేస్తాడు. 

తనను ఎవరూ అడ్డుకోలేరనే భ్రమలో వుంటాడు. 

తన దుష్కర్మల ఫలితాన్ని అతను తప్పకుండ అనుభవిస్తాడు. 

వీటన్నిటినీ తప్పించుకోవాలంటే గర్వాన్ని విడనాడాలి,

శ్రీ శంకర భగవత్పాదుల వారి మాటలలో,

మాకురు ధనజన యౌవన గర్వమ్

హారతి నిమేషాత్ కాలః సర్వం

దనం, యవ్వనం, పాండిత్యం, అధికారమో ఉన్నవి అన్న కారణంగా ఏ మానవుడూ గర్వించరాదు.

ఎందుకంటే కాలం సర్వాన్ని హరిస్తుంది, అంటే అవి శాశ్వతం కాదు.

శ్రీ శంకర భగవత్పాదులవంటి మహనీయులు ఎంతటి పండితులైనా ఏమాత్రం గర్వానికి లోనుకాలేదు, అందువలనే ప్రజలు వారిని మహా పురుషులుగా కీర్తించారు. 

కాబట్టి మనిషి ఏకారణంలో కూడా గర్వానికి లోను కాకూడదు, వినయంతో జీవించాలి.

తస్మాదహంకార మిమం స్వశత్రుమ్ భోక్తుర్గలే కంటకవత్ ప్రతీతమ

భుంక్ష్వాత్మసామ్రాజ్యసుఖం యధేష్టమ్,

అన్న, భగవత్పాదుల సూక్తిని ప్రతియొక్కరూ మననం చేస్తూ నిరహంకారమైన జీవితాన్ని గడపాలి.

భక్తుడు అనే వాడు ఎప్పుడూ నిరహంకారమైన జీవితాన్ని గడపాలి

🙏🙏