శివోహం

కాయానికి మూలం మనసు...

ఎప్పటికప్పుడు శుద్ది చేసుకుంటే యే చెడు లోపలకు రాదు...

వచ్చినా లోన శివుడు జీవాన్ని అంటనివ్వదు....

ఆ శివుడు మూడో కంటికి కాలి బూడిద కావలసినదే...

మహాదేవా శంభో శరణు...

ఓం శివోహం... సర్వం శివమయం

శివోహం

 శివా!బయటకి వస్తే చూద్దామని  నేను

లోపలకి వస్తే కనబడదామని నీవు

ఎదురు చూపులే ఇద్దరివీ

మహేశా . . . . . శరణు .

 శివా!నీవు ఒక్కడివే అందరిలో ఉన్నావు                 

అందరిలో ఒకడిగా  నేను ఉన్నాను                      కొందరిలో ఒకడిగా నన్ను ఎఱిగించు

 మహేశా ..... శరణు

 శివా!అంతరాయములు తొలగించు

అంతరాన నాకు అగుపించు

నన్ను నన్నుగా ఎఱిగించు.

మహేశా . . . . . శరణు .

 శివా!సోహం అంటున్నా శ్వాసతో

పాహీ అంటున్నా ప్రణతులతో

దేహీ అంటున్నా దేహంతో

మహేశా . . . . . శరణు

శివా!వేరుచేసి చూపేవు విశ్వ ధర్మం

కలుపుకొని చూపేవు కాల ధర్మం

వరేణ్య శరణ్య ఇది భక్తి ధర్మం

మహేశా . . . . . శరణు .

 శివా!మధగజ మైనది నా మనసు

మావటి నీవని మరి  తెలుసు

అంకుశాన్ని చూపు నిరంకుశత్వం మాపు

మహేశా . . . . . శరణు.

 శివా!సోహం స్వరమే నీకు జోల పాట

నమక చమకములే నీకు లాల పాట

మంత్ర మననమే నీకు ఏకాంత సేవ

మహేశా . . . . . శరణు .

 శివా!పరమాత్మ జీవాత్మ సంకేతము

సూక్ష్మ శ్రేష్ఠముల నీవె శోభాయమానము

ఆత్మ జ్ఞానము తెలుపు ఒక పాఠము

మహేశా . . . . . శరణు .

శివోహం

ఈ లోకంలో రెండు సత్యాలుండవు...

సత్యం ఒకటే ఏక సత్యం...

ఒక రాజ్యానికి ఇద్దరు రాజులుండరు ఒకడే ఉంటాడు...

ఖగోళంలో ఇద్దరు సూర్యుళ్లు ఇద్దరు

చంద్రుళ్ళుండరు ఒకరే ఉంటారు అనేది ఎంత సత్యమో....

శివుడు ఒక్కడే దేవా దేవుడు ఒక్కడే అనేది అక్షర సత్యం...

ఓం శివోహం... సర్వం శివమయం

ఓం నమో నారాయణ.

శివోహం

బాట రాళ్లు రప్పలతో కూడి ఉన్నట్టే...

జీవితమంటే ఎత్తుపల్లాలే అని అర్ధం చేసుకున్న  శ్రమ జీవులకు తలపై మోతలు గుండెల్లో బరువు ఒక లెక్కా నా శివ....

అందుకే కాసింత కష్టం ఇవ్వు నీ కాళ్ళ దగ్గరే పడి ఉంటా...

మహాదేవా శంభో శరణు...

శివోహం

సమస్త జీవులకు హితాన్ని శుభాన్ని చేకూర్చే తల్లి...

భక్తుల హృదయాల్లో ప్రాపంచిక భావాలు తొలగించి వారికి శుభాలను ప్రసాదించే మాత...

అమ్మ దయ ఉంటే అన్నీ వున్నట్లే.

ఓం శ్రీ జగన్మాత యై నమః.

ఓం శ్రీమాత్రే నమః.

శివోహం

శంభో

నా అంతరంగపు ఊసులు అన్నీ ...

నీకే చెప్పుకుంటూంటాను ...

నువ్వు వింటున్నావో లేదోమరి ...

చెడుగాలి నా చుట్టూ ఆవరించివుంది ...

ఉబుసుపోక చెప్పుకునే మాటలకు మల్లే ...

నా అంతరంగాన్ని గాలికొదిలేయకు సుమా ....

నీ ముంగిట విచ్చుకున్న పూవు లా ఊపిరి విడవాలనుంది ...

మహాదేవా శంభో శరణు...

ఓం నమో నారాయణ.

శివోహం

నిన్ను కొలిచేవాడికి...

సంపదలపై మోజుకన్నా...

నిను చూసి తరించాలనే కోరిక కలుగుతుంది...

నిత్య సంపదలకన్నా శాశ్వత సంపదలు...

ప్రధానమని తెలుసుకొనేలా చేస్తావు...

నీదారిలో నడిచేవాడికి తోడూనీడా నీవే కదా శివా...

మహాదేవా శంభో శరణు...

ఓం నమో నారాయణ.